جابلي ضرة بفلوسي.. ياسمين في دعوى طلاق: خد دهبي عشان يتجوز بيه
شهدت «ياسمين» الغدر من زوجها الذي ظنته أنه يكون حمايتها من أي شيء ولكن سريعًا ما يتلاشى القناع عنه وتعرف حقيقة الرجل الذي اعتبرته سندها في الدنيا، وتتفاجئ بسرقة ذهبها والزواج من أخرى بأموالها ما دفعها لتستغيث بـ محكمة الأسرة على الفور ورفع دعوى طلاق لتتخلص من زوجها الخائن.
بنحب بعض من واحنا في الجامعة
أخذت ياسمين صدمة العمر في زوجها الخائن الذي خاب ظنها فيه من السنة الثانية، واكتشفت خيانته لها وتزوجه من أخرى بأموالها، وبدأت تستغيث لقاضي المحكمة وهي تروي له قصتها قائلة: "متجوزين عن قصة حب كبيرة بينا من واحنا في الجامعة، اتخطبنا بعد ما اتخرجنا والخطوبة متطولتش خالص، واتجوزنا على طول وكنت مستنية اليوم دا بفارغ الصبر من واحنا في الكلية عشان كنا بنحب بعض جدًا وكللا الناس كانت بتشهد بقصة حبنا".
تابعت: "اتجوزنا وعيشت معاه أحلى سنتين في عمري كان معيشني أحلى عيشة، وكان بيعاملني أحسن معاملة، بس بعد السنتين دول لقيت واحد تاني خالص بدأ يتغير معايا في معاملته ومبقاش طايق لي كلمة".
مبقاش طايق لي كلمة
بدأت تشعر الزوجة بشيء غريب بسبب تصرفات الزوج الذي تغيرت مرة واحدة دون سابق إنذار، أضافت الزوجة: "معاملته الغريبة معاي دي خلتني أشك واستغرب إنه ممكن يكون في حاجة بس كنت بكدب نفسي بس لما لقيت الموضوع زاد اتأكدت إن في حاجة بس كنت بحاول اقنع نفسي إن مفيش حاجة عشان مكنتش عايزة حياتنا تبوظ".
أكملت الزوجة حديثها والقهر يعتريها بعد ما أخذت الصدمة الكبرى: "جه قال لي إن مزنوق في فلوس ولازم يبيع الدهب بتاعي، وأنا مفكرتش ثانية واحدة واديته الدهب كله من غير حتى ما اعرف أي تفاصيل، وبعد ما خد الدهب بشهر بالظبط أخدت صدمة عمري لما لقيت في مأذون بيكلمني وبيقول لي جوزك اتجوز عليكي".
اختتمت قصتها بهذه الكلمات: "مصدقتهوش في الأول بس شفت قسيمة الجواز وإنه فعلا اتجوز علي، وعرفت ساعتها هو كان عايز الدهب بتاعي في إيه، تاني يوم كنت في المحكمة برفع عليه قضية طلاق، وهأخد منه حقي كله بإذن الله".
تابع أحدث الأخبار عبر
