«خنقني بالحزام».. حنان بدعوى طلاق: "عايز يقتلني عشان مش موافقة على جوازه"
17 عامًا من الهنا والسعادة شهدتها "حنان" في عش الزوجية مع زوج صالح يكافح في عمله من الأجل الإنفاق على زوجته وأولاده، كانت الزوجة أكبر داعم له ولأولاده وعملت من أجل مساندة زوجها في مصروفات البيت ولكن كل شيء انقلب رأسًا على عقب عندما اكتشفت زواجه من أخرى فطلبت الطلاق ولكنه رفض وهدها بالقتل وحاول خنقها بالحزام و لكن انقذتها بنتها من تحت يديه بإعجوبة.
حياة زوجية مثالية وهادئة فجأة تحولت في غمضة عين ووجدت الزوجة نفسها على أعتاب محكمة الأسرة طلبًا في الانفصال من زوجها الذي هانت عليه، وبدأت «حنان» تسترسل قصتها رويدًا رويدًا قائلة: "كانت حياتنا ماشية تمام وكل حاجة كانت زي الفل وعايشين مبسوطين، وهو كان بيعمل كل اللي يقدر عليه عشان يجيب لنا كل اللي احنا عايزينه، وأنا كمان نزلت اشتغل عشان أساعده في مصاريف البيت عشان كانت كتير".
بقاله سنتين متغير معايا
تابعت: "بقاله سنتين متغير معايا ومع العيال وخلقه بقا ضيق وبقى يشرب مخدرات وأنا مستغربة من تصرفاته عشان مكنش كدا خالص ولا كان يعرف الحاجات دي ولا عمره شرب أي من المخدرات عشان كدا مكنتش عارفة السبب".
بدأت الزوجة تشك في أمر زوجها ما جعلها تبحث وراءه وسبب تغيره المفاجئ الغير مفهوم، وكانت الصدمة لها عندما اكتشفت أنه تزوج من أخرى ما أدى لنشوب مشادات بينهما يسيي رفض الزواج زواجه وطلبها الطلاق ولكن الزوج كان له رأي آخر ولا يريد تطليقها وعندما كررت طلبها لجأ لتهديدها بالقتل.
خنقني بالحزام عشان عايزة اتطلق
تابعت «حنان»: "فتشت وراه وعرفت إنه متجوز علي بقاله سنتين وأنا معرفش ولما واجهته وقلت له إني عايز اتطلق بس رفض، مش راضي ولا يطلقني ولا يطلقها ولما لقاني إني مصممة على الطلاق قالي هقتلك ومش هطلقك برضو".
أضافت: "لما لقاني كل شوية بطلب منه الطلاق، لقيته قام علي قعد يضربني وخنقني بالحزام وكنت هموت في إيده لولا بنتي لحقتني كنت هموت في إيده".
اختتمت الزوجة قصتها قائلة: "خفت علي وعلى العيال إنه ممكن يعمل فينا حاجة، خدتهم ومشيت ورفعت قضية طلاق بقالي شهرين وماشية أهو في الإجراءات".
تابع أحدث الأخبار عبر
