أخبار محكمة الأسرة
قضايا محكمة الأسرة .. أمل : ميتعاشرش هو وأهله وحياته كلها إدمان
طرقت «أمل» أبواب محكمة الأسرة كسائر الزوجات اللائي دمرت المخدرات حياتهن مع زوج قدمها على مسؤولياته، ليترك زوجته وأولاده وحدهم دون عائل أو مصاريف أو رعاية، وعندما حاولت الزوجة أن تستنجد بأهل زوجها ما وجدته هو قسوة القلب عليها وعلى أولادها واضطرت مجبرة أن تصل لأبواب محكمة الأسرة تبحث عن حل لمشكلتها مع زوجها.
قصص محكمة الأسرة.. وافقت على جوزي على طول واتجوزنا
قالت «سلوى» في بداية حديثها: «أنا اتجوزت من 2016 وخلفت من جوزي ولدين، كان جواز صالونات ووافقت عليه على طول بعد ما اتقدملي واتخطبنا والدنيا كانت ماشية وكل حاجة كويسة بس بعد الجواز كل حاجة اتغيرت».
حكايات محكمة الأسرة.. جوزي مدمن مخدرات من زمان وأنا معرفش
تابعت «سلوى» حديثها قائلة: «بعد الجواز اكتشفت أن جوزي مدمن مخدرات وبيشرب كل أنواع المخدرات من قبل ما نتجوز حتى، أنا مكنتش أعرف بس أهله كانوا عارفين ومحدش فيهم قالي حاجة ولا حد نبهني، أنا اللي عرفت لما لقيته بيشرب على السلم، وسايبني أنا وولادي ولما واجهته مقالش حاجة ومكنش».
دعاوي محكمة الأسرة.. طلع من عيله مش كويسة
أضافت «سلوى»: «حاولت مع جوزي كتير إنه يبطل مخدرات ويخلي باله من بيته وعياله بس مفيش فايدة معاه، كان بيشتغل ويصرف فلوسه على المخدرات بس وأنا وأولاده ملناش حاجة خالص، المخدرات لحست دماغه وبقى مش واعي لأي حاجة في حياته، لما حاولت أكلم أهله عشان يشوفوا حل طلعوا عيله مش كويسة وأخواته طلعوا بيشربوا مخدرات زيه وأخته متجوزه 3 مرات وكله ماشي تحت أمرها وأنا مكنتش أعرف أنهم كدة أبدا».
قضايا محكمة الأسرة.. رفعت قضية عشان أخد حقي وحق ولادي
أنهت «سلوى» حديثها قائلة: «محدش من اهله وقف معايا كلهم سابوني ومسألوش فيا أنا وعيالي، لحد ما اضطريت اسيب البيت وأروح عند أهلي عشان يخلوا بالهم مني أنا وولادي ونلاقي حد يصرف علينا، بس هما مش هيصرفوا علينا طول العمر جيت عشان أرفع عليه قضية نفقة عشان أعرف أخد حقي وحق ولادي منه».