أخبار محكمة الأسرة اليوم
كوثر لـ محكمة الأسرة: سافر عشان يحسن دخله جابلي ضره
وصلت كوثر لأعتاب محكمة الأسرة بعد سنين المعاناة التي عاشتها مع زوجها وبعد صبرها لسنين لم تستطيع التحمل بعد ما فعله الزوج معها، تزوجت كوثر من قريبها على أمل أن يصونها ويرعاها بسبب صله القرابة بينهم ولكن الحياة مع زوجها كانت صعبة واضطرت أن تتحمل من أجل أبنائها وحتى لا تخرب بيتها، وعندنا سافر الزوج ليعمل في الخارج ظنت الزوجة أن مشاكلها سوف تنتهي لتتفاجئي الزوجة بمشكلة أكبر سببها لها زوجها واضطرها وقتها أن تتوجه لمحكمة الأسرة حتى تحصل على نهاية لحياتها معه.
كوثر في محكمة الأسرة: سافر عشان يحسن دخله جابلي ضره
قصص محكمة الأسرة.. اتجوزت ابن عمي ووثقت فيه
قالت «كوثر» في بداية حديثها : «أنا اتجوزت من ١١ سنة من ابن عمي، أنا وهو كنا بنحب بعض قبل الجواز واتجوزنا على طول بعد ما اتقدملي وكنت أنا وأهلي واثقين فيه وقلنا هياخد باله مني ويصوني عشان أحنا قرايب، خلفت منه ولد وبنت والحياة كانت طبيعية».
حكايات محكمة الأسرة.. بيبهدلني كل لما أطلب منه حاجة للبيت
تابعت «كوثر» حديثها قائلة: «المصاريف كانت سبب المشاكل بيني وبين جوزي، مصاريف البيت والعيال كانت كتيرة عليه وهو مكنش قادر يكفي بشغله بس، كان بيطلع كل ده عليا كنت كل لما اطلب منه اي حاجة للبيت يتخانق معايا ويبهدلني، وأنا كنت بحاول أمشي البيت باللي هو بيدهوني ».
دعاوي محكمة الأسرة.. اتحملت ضرب جوزي عشان خاطر ولادي ميتبهدلوش
أضافت الزوجة: «المشاكل بينا فضلت تزيد وبقى يضربني، بقت مشاكل على المصاريف وعلى حجات تانية كتير، أنا كنت بصبر عشان خاطر ولادي ميتبهدلوش، لحد ما جاتله فرصة شغل برة مصر ساعتها فرحت وقلت مشكلة المصاريف هتتحل ولما نبعد المشاكل بينا هتقل والدنيا هتتعدل».
قضايا محكمة الأسرة.. مش عايزني أنا وعيالي بعد ما اتجوز
أنهت «كوثر» حديثها قائلة: « بعد ما سافر بفترة اختفى ومبقاش يكلمني كتير ولا يسأل عليا أنا والعيال ولا يبعت مصاريف، حاولت أوصله كتير عشان أفهم فيه أيه أو ايه اللي حصل معرفتش، لحد في الأخر وصلتله ولما كلمني قالي أنه اتجوز واحدة معاه في الشغل ومش هيرجع ولا عايز يشوفني أنا وعياله تاني، وفعلا مسألش علينا وسايبنا بقاله كذا شهر دلوقتي واضطريت أرفع قضية خلع ونفقة عليه».
تابع أحدث الأخبار عبر
