هالة لـ محكمة الأسرة : «أهله طردوني من البيت وهو معملش حاجة معاهم »
عندما حاولت هالة أن تحصل على حقوقها عن طريق محكمة الأسرة واجهت القسوة والقهر من زوجها وأهله عليها وعلى ابنها، تزوجت هالة وكان حلمها بيت وأسرة مستقلة وحياة طبيعية مع زوجها لكن ما وجدته في الواقع كان عكس ما حلمت به، كان زوجها لا يصرف عليها ما تحتاجه هي وابنها ليعيشوا حياة طبيعية مستقرة وعندما حاولت الزوجة الحصول على حقوقها بمحكمة الأسرة من زوجها القاسي الذي لم يقدرها أو يصونها، كذب الزوج وأهله وتقدموا ببلاغ كاذب ضد زوجته وأهلها حتى تخسر كل حقوقها.
قصص محكمة الأسرة.. اتعرفت على جوزي عن طريق الشغل
قالت «هالة» في بداية حديثها: «أنا اتعرف على جوزي عن طريق مكان شغل كنا فيه احنا الاتنين، اتقدملي وكان كويس هو وأهله، اتخطبنا واتجوزنا سنتين بس، الدنيا في الأول كانت كويسة ومفيش مشاكل خلفت منه ولد والحياة كانت عادية وماشية».
حكايات محكمة الأسرة.. «أهله بيقوموه عليا ومش عايزينه يصرفوا عليا»
تابعت «هالة» حديثها قائلة: «المشاكل بيني وبين جوزي كانت عادية زي أي اتنين متجوزين وكنا بنحلها سوا، لحد بعد ما ابني اتولد المشاكل الأول كانت على إن المصاريف قليلة بعد كدة المشاكل كانت انه مبيصرفش خالص ومش عايز يجيب أي حاجة للبيت أو لأبننا مكنتش فاهمة بيعمل كدة ليه في الأول بالذات إنه معاه وبيشتغل لحد ما عرفت إن أهله اللي بيقوموه عليا».
دعاوي محكمة الأسرة.. أهل جوزي طردوني وابتذوني
أضافت «هالة»: «حاولت معاه كتير إنه يتعدل لكن مفيش فايدة معاه، لحد ما قررت إني خلاص مش عايزة أكمل معاه أنا اهلي اللي بيصرفوا عليا وهو ملوش لازمة، رحت المحكمة عشان أرفع قضية تمكين وأضمن حقي أنا وابني في الشقة لأني مش ضامناه هو وأهله، أبوه وأمه لما عرفوا راحوا عملوا محضر لاخواتي علشان كان بيخططوا أنهم يضربوني ويطردوني ولو عملت محضر يضغطوا عليها بمحضر اخواتي فاتنازل وفعلا اتهجموا عليا وطردوني من الشقة ومقدرتش أعمل حاجة».
قضايا محكمة الأسرة طلاق للضرر
أنهت «هالة» حديثها قائلة: «من وقتها جوزي مسألش فيا ولا في ابنه، ورفعت عليه قضية طلاق للضرر بعد اللي عملوا معا هو وأهله».
تابع أحدث الأخبار عبر
