أخبار محكمة الأسرة اليوم
محكمة الأسرة .. فدوى بـ دعوى تمكين: عايشة مع ضرتي في نفس الأوضة
كانت “فدوى” في أواخر الخمسينات عندما توجهت لأبواب محكمة الأسرة حتى تبحث عن حقوقها، تزوجت “فدوى” من ابن خالتها ووثقت فيه أن يكون هو خير الزوج وخير السند لها لكن ما وجدته منه هو الخيانة والغدر، بعد عِشرة السنين بينها وبين زوجها وجدته في يوم من الأيام بصحبه سيدة أخرى لتصطدم فدوى بأنها زوجته الثانية واضطرت أن تتحمل هذا الوضع على أمل أن ينصلح حال زوجها ولكن لم تكن نهايتها مثلما توقعت.
قصص محكمة الأسرة.. اتجوزت ابن خالتي من 17 سنة
قالت «فدوى» في بداية حديثها: «أنا اتجوزت من 17 سنة جوزي كان ابن خالتي، اتجوزته من زمان ووثقت فيه وقتها أنه عشان ابن خالتي واحنا عارفينه كويس هو مش هيبهدلني وهيخلي باله مني، اتجوزنا وخلفت منه 3 بنات والحياة كانت ماشية».
حكايات محكمة الأسرة.. استحملت المشاكل مع جوزي عشان خاطر بناتي
تابعت «فدوى» حديثها قائلة: «طول السنين اللي عشتها مع جوزي كانت الحياة عادية كان بيحصل بينا مشاكل بس العادي يعني زي أي اتنين متجوزين وأنا كنت بستحمله واعدي المشاكل وأقول معلش جوزي واستحمله عشان البنات ميتبهدلوش».
دعاوي محكمة الأسرة.. جوزي دخل عليا البيت بمراته الجديدة
أضافت الزوجة: «لحد من كذا سنة دخل عليا البيت في يوم ومعاه واحدة وكانت كبيرة في السن مش صغيرة وقالي دي مراتي وهتعيش معانا، معرفتش أعمل أيه وقتها مكنش فيه مكان اروحه أنا وعيالي، اضطريت افضل عايشة انا وهي وهو في نفس البيت، كنا بنام احنا التلاتة في نفس الأوضة وكنت بشوف واسمع حاجات متنفعش».
قضايا محكمة الأسرة..طردني أنا وبناته عشان مراته الجديدة
أنهت «فدوى» حديثها قائلة: «لحد ما مراته التانية حملت ولما حملت اشترطت إنها تعيش في البيت لوحدها، وأنا بعد ما صبرت عليه وعلى عمايله طردني من البيت وسابني أنا وعيالي ومسألش فينا من ساعة ما مشاني، جيت المحكمة عشان أرفع قضية نفقة عشان أخد حقي أنا وولادي وهرفع قضية تمكين عشان أعرف أخد بيتي منه ومن مراته التانية ومش عايزه منه غير حقي بس».
تابع أحدث الأخبار عبر
