أخبار محكمة الأسرة اليوم
محكمة الأسرة .. هند: حظي وحش الأول بهدلني والتاني عايز ينتقم مني
كانت محكمة الأسرة هي نهاية هند بعد محاولاتها في زيجاتها الاثنين أن تحقق حلم الأسرة والبيت لكن في المرتين ما وجدته هو القسوة والغدر والطبع القاسي من الزوجين الذي أرادوا أن يدمروا حياتها، وعندما اكتشفت هند أنه من الممكن أن تحرم من حلم البيت المستقر توجهت لمحكمة الأسرة حتى تبحث عن حقوقها التي حرمت منها طوال هذه السنين وهي تحمل الألم والحسرة على سنين عمرها.
قصص محكمة الأسرة.. جوزي الأول عصبي وبتاع مشاكل
قالت «هند» في بداية حديثها: «أنا اتجوزت أول مرة من 10 سنين خلفت منه ولد واحد بس وكنا قرايب من بعيد اتجوزنا ومكملناش مع بعض أكتر من 3 سنين حصل بينا مشاكل كتير كان بني أدم صعب جدا عصبي أوي وبتاع مشاكل ومفيش حاجة عجباه المشاكل كانت بسبب ومن غير سبب».
حكايات محكمة الأسرة.. خدت بنتي وهربت من بلد أبوها
تابعت «هند» حديثها قائلة: «فضلت معاه سنة في مشاكل عشان أعرف أطلق منه كان رافض الطلاق بالعند فيا، لحد ما رفعت عليه قضية خلع واتطلقت منه، خدت بنتي وسيبت البلد اللي كنا عايشين فيها خالص عشان أهرب منه ومن مشاكله».
دعاوي محكمة الأسرة.. جوزي التاني مبيصرفش جنية
أضافت الزوجة: «لحد ما اتقدملي واحد وكان شكله يبان كويس وابن حلال اتجوزته، وبنتي من جوزي الأول كانت عايشة معانا، خلفت منه ولد وبنت والدنيا كانت ماشية في الأول لكن بعد كدة كل حاجة اتغيرت كان مبيرضاش يصرف عليا أو على ولاده أي حاجة خالص ولو صرف بيصرف على القد ويقولي أنا مش هصرف على بنتك لأنها مش بنتي حاولت معاه كتير إنه يتعدل لكن مفيش فايدة».
قضايا محكمة الأسرة..بيهددني يقتلني أنا والعيال
أنهت «هند» حديثها قائلة: «لحدما قررت أسيب جوزي التاني بسبب عمايله ولأنه كمان كان بيضربني أنا والعيال، طلبت الطلاق منه لكنه رفض وقتها رفعت عليه قضية خلع ونفقة، من وقتها وهو بيهدنني أنه هيموت عيالي وهينتقم مني فيهم كل ده عشان رفعت عليه القضايا اللي المفروض أخد حقي بيها».
تابع أحدث الأخبار عبر
