أخبار محكمة الأسرة اليوم
حكايات محكمة الأسرة.. خلود بـ قضية تمكين: سلط عليا رجاله يرموني في الشارع
طرقت “خلود” أبواب محكمة الأسرة بعدما ضاقت بها السبل ولم تجد أمل في حياتها بعد طرد زوجها لها من حياته، وكل ذلك من أجل خاطر أهله فقط، منذ زواج خلود كانت تعلم أن أهل زوجها لا يحبوها ويرفضوا التعامل معها باحترام بدون سبب أو مبرر.
وبالرغم من محاولتها العديدة في أن تحسن علاقتها بأهل زوجها بائت كل محاولاتها بالفشل حتى وصلت بسببهم في النهاية لمحكمة الأسرة لأنهم دمروا زواجها بكلامهم الذي أوصلوه للزوج حتى سلط على زوجته رجال غرباء حتى يضربوها ويطردوها من بيتها.
قصص محكمة الأسرة.. حمدت ربنا على جوزي وولادي
قالت «خلود» في بداية حديثها: «أنا اتجوزت من 8 سنين كان جواز صالونات مكنتش أعرف جوزي قبل ما نتجوز، لما اتقدملي كان كويس ومفيش منه مشاكل وكان راجل زي بقية الرجالة، اتجوزته وخلفت منه بنت وولد وحمدت ربنا على كدة وكنت عايشة حياتي عادي».
حكايات محكمة الأسرة.. أهل جوزي مش عايزني من زمان
تابعت «خلود» حديثها قائلة: «من ساعة ما جوزي جه اتقدملي ودخل بيت أهلي كان باين على أهله إنهم مبيحبونيش ومش عايزني لإبنهم، بس أنا عملت نفسي مش واخدة بالي وكبرت دماغي وقلت مليش دعوة بيهم أنا ليا دعوة بجوزي وبس، بس هما مسابونيش في حالي طول جوازي كانوا بيعملوا مشاكل كتير وحوارات بس أنا على قد ما أقدر كنت بكبر دماغي ومليش دعوة بيهم».
دعاوي محكمة الأسرة.. جوزي سلط عليا رجالة يضربوني
أضافت الزوجة: «المشاكل مع أهل جوزي كانت على طول بتزيد كانوا بيقوموا بيني وبين جوزي وكانوا هيخربوا بيتنا وكان ده هدفهم من الأول، لحد في مرة حصلت بيني وبين جوزي مشكلة وسابلي البيت ومشي لما أنا رفضت أسيب البيت لما هو حاول يطردني منه، وبعد ما مشي بكام يوم اتهجم عليا رجالة ضربوني أنا عيالي وطردوني في الشارع».
قضايا محكمة الأسرة.. رفعت قضية تمكين بعد ما جوزي طردني
أنهت «خلود» حديثها قائلة: «رحت لأهلي بعد اللي حصل وهو محاولش حتى يرجعني ولا يسأل عليا أنا والعيال ومسمعتش عنه أو عن أهله حاجة من ساعتها، جيت المحكمة عشان أرفع قضية تمكين عشان ألاقي مكان أقدر أعيش فيه أنا وولادي بعد ما أبوهم طردني».
تابع أحدث الأخبار عبر
