أخبار محكمة الأسرة
محكمة الأسرة.. هند: دلوع أهله وفلوسه لصاحبة وأنا وعياله عايشين في ذل
كان سبب تواجد «هند» في محكمة الأسرة عكس العديد من السيدات التي تتوجه لها يوميا، فلم يكن الشخص المسؤول عن وصولها لهذه النهاية زوجها أو حماتها أو سيدة أخرى ولكن صديق زوجها الذي دمر أسرتها بعد سيطرته على عقل زوجها وكل تصرفاته وجعله يثق فيه ثقة عمياء حتى أعطاه كل أمواله وترك زوجته وأبنائه دون ما يكفيهم حتى يعيشوا حياة طبيعية، واستمر في بخله على زوجته وأبنائه حتى اضطر «هند» ان تتوجه لمحكمة الأسرة بحثا عن حقوقها .
دلوع أهله ومعندوش شخصية وصاحبه ضحك عليه
قصص محكمة الأسرة.. جوزي دلوع اهله
قالت «هند» في بداية حديثها: «انا اتجوزت من ١٣ سنة جواز صالونات، وخلفت من جوزي ٣ أولاد ودلوقتي سايباه بقالي سنة وشوية، أول ما عرفته كان شخص كويس ومفيش مشاكل معاه كان مشكلتي بس أنه وحيد أهله ومتدلع وكلامه دايما كلامهم مبيقررش حاجة من نفسه أبدا، بس الدنيا كانت ماشية ومفيش مشاكل في الأول».
حكايات محكمة الأسرة.. معندوش شخصية وصاحبه ضحك عليه
تابعت «هند» حديثها قائلة: «المشاكل كلها بدأت لما اتعرف على واحد صاحبه واكتشفت بعد كدة انه واحد نصاب واتسجن في قضايا نصب كتير، بس جوزي سلمله كل حاجة لأن معندوش شخصية ومبيعرفش ياخد قرار، اشترى عربية وكتبها باسمه وبقى يخليه يمشي الشغل وماسك كل حاجة».
دعاوي محكمة الأسرة.. فلوسه لصاحبه وانا وعياله عايشين في ذل
أضافت الزوجة: «جوزي كان بيدي لصاحبه فلوس كتير جدا ومبيصرفش على البيت غير على القد، ولما اعترضت انه ميشتغلش معاه قالي ده اللي عندي إذا كان عاجبك، لما لقيته مبيتعدلش وكل فلوسه بقت لصا بقىحبه ، واحنا بيبخل ومبيصرفش علينا سيبته ومشيت وطلبت الطلاق سابني شوية وعمل مشاكل لحد ما زهق وطلقني دلوقتي كل فلوسه مسلمها لصاحبه ، وانا وعياله عايشين في ذل ومش لاقيين ناكل».
قضايا محكمة الأسرة.. بيذلني عشان يدفع النفقة
أنهت «هند» حديثها قائلة: «المشكلة دلوقتي انه مبيدفعش النفقة، بقاله ٣ شهور ملففني وراه عشان ٤٠٠٠ جنيه، رفعت دعوى متجمد نفقة عشان أعرف أخد حقي أنا وولادي منه لأنه عايش حياته بيصرف فلوسه على الغريب ومبيسالش فيهم».