أخبار محكمة الأسرة
محكمة الأسرة.. سلمى: عايزة اخد حقي عشان اعرف أعيش أنا وأولادي
تواجدت «سلمى» على أبواب محكمة الأسرة وهي تبحث عن الأمل بعد سنين المعاناة التي عاشتها مع زوجها، وبعد محاولتها العديدة في إصلاح حياتها الزوجية، وبعدما بائت كل محاولاتها بالفشل توجهت وقتها لأهلها لتجد بينهم الطمأنينة والراحة ولكن ما وجدته هو القسوة منهم وعدم الرحمة وأرادوا منها أن تعود لزوجها بعد سنين الظلم التي عاشوها سويا حتى جعلوها تتوجه لمحكمة الأسرة تبحث عن حقوقها وحريتها من زوجها حتى تستطيع أن تكمل حياتها وتعيش حياة مستقرة مع أبنائها وتكون سند وضهر لهم في الدنيا.
قصص محكمة الأسرة.. في مشاكل من أول الجواز وكل مادى بتزيد
قالت «سلمى» في بداية حديثها: «انا اتجوزت من 2015 وخلفت من جوزي ولدين وبنت من ساعة ماتجوزنا واحنا في مشاكل وكل مادى كانت بتزيد مكنش فيه بينا اي تفاهم، كان جواز صالونات وملحقناش نتعرف على بعض كفاية واتجوزنا على طول وكانت دي أول غلطة عملتها في جوازتي دي».
حكايات محكمة الأسرة.. مبهدلني أنا والعيال معاه
تابعت «سلمى»: «حاولت كتير مع جوزي انه يتعدل ويبقى بني ادم كويس، لكنه كان على طول ضرب وشتيمة وبهدلة، اتحملت كتير عشان خاطر عيالي ميتبهدلوش لكن الدنيا كل مادى كانت بتبقى أصعب كان مبهدل حتى العيال معاه، لحد ما تعبت من الحياة معاه وكنت عايزة اسيبه بس أهلي كانوا بيرفضوا يخلوني أسيب جوزي عشان مخربش بيتي».
دعاوي محكمة الأسرة.. اهلي عايزين يطردوني من بيتهم
أكملت الزوجة حديثها:« لحد ما قررت اسيبه ومرجعش تاني ورجحت بيت اهلي اقعد فيه مع أهلي في الأول خلوني اقعد عندهم ومتكلموش لكن بعد كدة الوش الحقيقي يبان لما عرفوا اني مش هرجع لجوزي طردوني من البيت ، وكانوا بيغصبوني اني ارجع لجوزي مش عايزني أكمل في البيت وعايزين يطردوني من البيت».
قضايا محكمة الأسرة.. عايزة اخد حقي أنا وولادي من جوزي عشان اعرف اعيش
أنهت «سلمى» حديثها: «لسه في مشاكل مع أهلي بسبب انهم عايزين يمشوني في البيت، بس جيت المحكمة عشان ارفع على جوزي قضية نفقة زوجية ونفقة صغار عشان أعرف اخد حقي انا وولادي من جوزي واعرف اجيب بيت اعيش فيه واكمل حياتي انا وولادي لأن ملهمش حد غيري».
تابع أحدث الأخبار عبر
