أخبار محكمة الأسرة
محكمة الأسرة.. سهى: عشان بـ 20 جنيه مخلل خدت علقة موت

محكمة الأسرة كانت طوق النجاة لـ «سهى» للهروب من حياتها المليئة بالإهانة والضرب من الزوج الذي لم يراعي ربنا فيها ولسبب تافهة وقفت سهي أمام محكمة الأسرة لم يكن يستدع كل هذا الخلاف وتدمير الأسرة لكن عند الزوج وظلمه لزوجته دمر حياتهم وجعل العشرة بينهم مستحيلة ودمر نفسية الزوجة والأبناء، توجهت الزوجة ومعها المحامية «فاطمة فياض» ليبحثوا عن حقوق الزوجة التي رفض الزوج إعطائها لها بالود.
قصص محكمة الأسرة.. الحياة كانت طبيعية زي أي اتنين متجوزي
قالت «سهى» في بداية حديثها: «أنا اتجوزت وخلفت من جوزي 3 أطفال بنتين وولد، الحياة بينا كانت طبيعية زي أي اتنين متجوزين، حتى مشاكلنا كانت العادية وبتتحل مع الوقت، احنا الاتنين كنا بنشتغل بس هو اللي كان مسؤول عن المصاريف وعن مسؤولية البيت وكانت الدنيا ماشية».
حكايات محكمة الأسرة.. زعل عشان اشتريت مخلل من وراه
تابعت «سهى» كلامها وقالت: «لحد في مرة جوزي جه من الشغل وحضرت الأكل والغدا كان معاه طبق مخلل، أول ما قعد على الأكل سألني جبتي المخلل ده منين قلتله جيبته وانا بجيب الولاد من الحضانة بـ 20 جنيه ، قالي ازاي تجيبي حاجة من غير ما ترجعيلي، يومها أنا كلمته كذا مرة قبل ما اشتريه بس معرفتش أوصله يومها وحاولت افهمه كدة
دعاوي محكمة الأسرة.. عايز يموتني عشان طبق المخلل
أضافت الزوجة: «قالي مكنتيش جبتيه مادام أنا موافقتش بعدت عنه الطبق وقلت اعتبرني مجبتوش اتعصب جدا وضربني وسحلني في الشقة كلها وشدني من شعري في الأرض، والجيران حاولوا يحوشوا قلهم أنا مش هسيبها غير لما أموتها كل ده عشان طبق المخلل، ضربني طول الليل وكسر عضمي وفي الأخر مسابنيش في حالي غير لما أمي جت وخدتني أنا وولادي من تحت ايده عشان نقد عندها».
قضايا محكمة الأسرة.. باخد نفقة مبتكفيش حاجة
بعد الظلم والعنف الذي شهدته «سهي» في حياتها كانت محكمة الأسرة هي حلها الأخير حتى تحصل على حقوقها ومعها محاميتها «فاطمة فياض» تقدم لها كل الدعم الذي تحتاجه .
أنهت «سهى» كلامها وقالت: «بعد ما ضربني كان مكسرلي عضمي، وبالرغم كدة معملتش محضر واتعالجت العلاج المناسب، حاول يرجعني بس مقدرتش ارجعله تاني، رفعت قضية نفقه صغار واتحكملي ب 1200 جنية بس للتلت أولاد ومبيكفوش طبعا وهو في الأخر رافع تخفيض نفقة وولادة مش بيسأل فيهم ولا نفسيتهم اللي دمرها».
تابع أحدث الأخبار عبر