أخبار محكمة الأسرة
محكمة الأسرة.. هدى: اخوات جوزي سارقين حقي في ورث حمايا
رفعت «هدى» في محكمة الأسرة قضية إعلان وراثة على أهل زوجها الذي سرقوا حقوقها وحقوق أبنائها يتامى الأب الذي خسروا ضهرهم وسندهم في الدنيا بعد موت والدهم وجدهم، وبعد خسارة «هدى» لزوجها ثم حماها الذي كان سندها بعد وفاة زوجها حاولت بكل الطرق الودية مع أهل زوجها لكن بائت كل محاولاتها بالفشل وتوجهت في النهاية لمحكمة الأسرة بحثا عن حقوقها وحقوق أبنائها الذي لم يصبح لهم ضهر في الدنيا سوى أمهم.
قصص محكمة الأسرة.. عشره عمري مات وسابني
قالت «هدى» في بداية حديثها: «أنا اتجوزت من 20 سنة خلفت من جوزي 3 أولاد الحيتة معاه كانت عادية ومفيش مشاكل غير زي أي اتنين عاديين، كان هو بيشتغل وبيصرف علينا ومش مخلينا محتاجين حاجة، أنا اللي كنت بربي العيال وقاعدة في البيت لحد ماجوزي تعب واتوفى كانت صدمة عليا بعد ما اتوفى ومكنتش عارفة أعمل ايه من بعد وفاته».
دعاوي محكمة الأسرة.. حمايا عوضني انا وولادي على وفاة جوزي
أكملت الزوجة حديثها: «بعد وفاة جوزي بقيت أنا الأم والأب لولادي وبقيت كل حاجة بالنسبالهم، وملقتش حد جنبي غير حمايا هو اللي وقف معايا من ساعة وفاة جوزي وعوضنا عن غياب جوزي، مكنش مخليني أنا وولادي محتاجين حاجة من بعد وفاة جوزي، هو اللي كان مسؤول عن أي فلوس تخص جوزي أو ميراثي أنا وولادي».
قضايا محكمة الأسرة.. أخوات جوزي خدوا ورثي أنا وولادي
تابعت «هدى»: «جوزي متوفي من 10 سنين والمشاكل بدأت من سنتين لما حمايا اتوفى، محدش وقف جنبي من ساعة وفاته، أخدت ورث جوزي مش عارفة أخد ورث حمايا، حمايا كان هو المسؤول عن كل ورثي وأنا باخد منه ولما مات اخوات جوزي خدوا كل حاجة، وقالوا ملكيش حاجة لا من ميراث جوزي ولا من ميراث حمايا».
حكايات محكمة الأسرة.. قضية إعلام وراثة
أنهت «هدى» حديثها وقالت: «أنا في مشاكل من زمان معاهم بس كنت بعدي وبسكت وأقول معملش مشاكل مع أهل ولادي، حاولت كتير معاهم ودي أنهم يدوني حقي أنا وولادي، لكنهم دايما بيرفضوا ومش بيدوني حاجة، وجيت رفعت قضية إعلام وراثة عشان أخد حقي أنا وولادي لأن لسه ليا حق من ورث حمايا وورث جوزي».
تابع أحدث الأخبار عبر
