أخبار محكمة الأسرة
محكمة الأسرة.. حسنة: حماتي خلت جوزي يكسر عضمي ويرميني في الشارع
كانت محكمة الأسرة هي الملجأ الذي توجهت له «حسنة» وهي تسعى جاهدة لتجد حل لمشكلتها مع زوجها وأهله الذي عاشت معهم سنين من الألم والقسوة، لسنين عاشت الزوجة مع زوج كان يعيش بتوجهات أهله ، وكان يسمع كلامهم في كل ما يطلبوه منه حتى لو كان ضرب وإهانة زوجته، بعدما فاض الكيل بالزوجة وبعد محاولاتها في إصلاح زواجها توجهت لمحكمة الأسرة حتى تنهي حياتها وتحصل على حقوقها.
قصص محكمة الأسرة.. جوزي كويس بس أهله مش كويسين
قالت «حسنة» في بداية حديثها: «أنا اتجوزت من 8 سنين خلفت من جوزي عيلين ولد وبنت، كان جواز تقليدي وعشنا في بيت عايلة الحياة في الأول كانت ماشية ومفيش مشاكل، جوزي كان راجل كويس ومفيش منه مشاكل لكن المشاكل كلها كانت مشاكل بيت العايلة العادية».
دعاوي محكمة الأسرة.. أهل جوزي بيقوموه عليا
تابعت «حسنة»: «المشاكل بيني وبين جوزي كان كلها بسبب أهله، كنت بخدمهم واعملهم اللي هما عايزينه وبرضوا مفيش حاجة عجباهم كل مادى بيعاملوني أوحش من الأول، وكانوا بيقوموا جوزي عليا عشان يتخانق معايا ويعمل معايا مشاكل».
قضايا محكمة الأسرة.. ضربني وطردني عشان خاطر أمه
أكملت الزوجة حديثها: «أمه كانت سبب المشاكل كلها دايما بتدخل في حياتنا وكانت بتقومه أنه يضربني ويكسر عضمي بسبب ومن غير سبب، لحد أخر مرة حصلت بينا مشكلة أنا وهي خلت جوزي مسكني ضربني وقالتله يطردني بره البيت وطردني فعلا بهدوم البيت من غير حاجة ومن ساعة ما خرجت مرجعتش تاني».
حكايات محكمة الأسرة.. مبيسألش في عياله وطردهم من حياته
أنهت «حسنة» حديثها وقالت: «حاول يرجعني تاني بس أنا رفضت مقدرش أرجع للعذاب اللي كنت عايشة فيه ده تاني، أنا خدت منه ولادي ومش عايزة منه حاجة تاني خلاص غير حقي عشان كدة رفعت عليه قضية طلاق للضرر اترفضت أول مرة لأنه جاب أهله يشهدوا إني بتبلي عليه وهو مضربنيش لكن كسبت القضية في الاستئناف لما أثبت إنه ضربني وطردني من البيت ومبيسألش فيا أنا والعيال، وولدي معايا مبيسألش فيهم ولا بيصرف عليهم جنيه، وجيت المحكمة عشان أرفع قضية نفقة وأعرف أخد حقهم».
تابع أحدث الأخبار عبر
