«استعبطني وضحك عليا».. داليا لـ محكمة الأسرة: طلقني غيابي وراح اتجوز
أمام محكمة الأسرة تواجدت «داليا»، تلك السيدة التي حاولت بكل الطرق أن تحافظ على بيتها وحياتها، وأن تحقق حلمها في بيت وأسرة قوامهما السعادة والهدوء، لكن تأتي الرياح بما لا تشتهي السفن، فقد فشلت جميع محاولاتها وكانت نهايتها مختلفة عما توقعت.
داليا لـ القاضي: طلقني غيابي وراح اتجوز عليا
منذ زواج «داليا» كانت علاقتها بزوجها يملأها الألم والمشاكل، ولكن «داليا» كانت زوجة عاقلة وحاولت أن تصلح مشاكلها مع زوجها من أجل أبنائها، ولكنها لم تستطع أن تحافظ على بيتها بمفردها، فطلقها زوجها غيابي بالرغم من رفض الزوجة أن تنفصل عن زوجها، ولم يترك الزوج لها أي حل سوى أن تلجأ لمحكمة الأسرة حتى تحصل على حقوقها منه.
اقرأ أيضا
قالت داليا: «أنا اتجوزت من 8 سنين خلفت من جوزي 3 أولاد كان جواز صالونات، الدنيا في الأول كانت كويسة لكن من ساعة ما اتجوزنا كان في مشاكل وخناقات بيني وبينه بس زي أي زوجين عادي، المشاكل كانت بتتحل وكنا عايشين والدنيا ماشية»
الأهل هما اللي بيصلحوا
تابعت داليا: «مع الوقت المشاكل كانت بتزيد بس كنت بقول لنفسي البيوت كلها فيها مشاكل، كانت مشاكل على المصاريف ومشاكل بينا شخصية مكنش عاجبه أي حاجة اعملها مهما حاولت أعمل عشان ميحصلش مشاكل كان بيتخانق برضو، أبويا كان دايما بيصلح بينا ووالدته كانت بتصالحنا على بعض برضو ولما ماتوا مكنش في حد يصلح».
طلاق غيابي وأنا كنت رافضة الطلاق
أكملت داليا: «صحيح كان في بينا مشاكل بس مش لدرجة الانفصال انا كنت رافضة الانفصال تمامًا عشان أحافظ على بيتي وأولادي ميتبهدلوش، لحد ما حصل بينا مشكلة في مرة وساعتها الأهل حاولوا يصلحوا بينا لكن مكنش في فايدة طلقني غيابي من غير علمي، فاجئني بعدها إنه اتجوز عليا ».
دعوى زيادة نفقة
أنهت داليا حديثها «من بعد الانفصال محاولش يرجعني، رحت بيت والدي أعدت فيه أنا والولاد وأنا كان المفروض أخد الشقة اللي كنا عايشين فيها بس كان عليها أقساط فمخدتهاش، في الأول كان بيصرف على العيال لكن مع الوقت كان بيقلل في المصاريف لحد ما بطل يصرف خالص، فجيت أرفع عليه زيادة نفقة».