منى في دعوى نفقة: "مجوعني أنا والعيال وبيخبي مننا الأكل"
لجأت منى نحو محكمة الاسرة لتقييم دعوى نفقة بعدما عانت مع زوجها البخل الذي لا يريد الإنفاق عليها، فكانت كل المشكلات بسبب المصروفات، وتفاقمت المشكلات والخلافات بعدما تمادى الزوج في بخله الذي وصل حد إخفاء الطعام من زوجته وأولاده، بعد 10 سنوات من الذل قررت التخلص من هذ الحياة البائسة ورفع دعوى نفقة.
مكنش باين عليه بخله في الخطوبة
كانت قضية النفقة هي الحل الأخير بعدما فشلت كل محاولاتها في إصلاح الأمور بينهما، تبدأ الزوجة الحديث قائلة: "مطلع عيني عشان الجنية اللي بيدهولي، في الأول كنت بعيش على قد عشان كنت لوحدي من غير عيل بس دلوقتي بقا في عيال وعايزين مصاريف كتير وعايزين يأكلوا، بس هو مش فارق معاه في عيال ولا لا"، استرجعت الزوجة حياتها أثناء الخطوبة التي كانت من أسعد فترات حياتها وقالت: "مكنش باين عليه إنه بخيل في الخطوبة عشان بيصرف عادي وأي حاجة محتاجاها كان بيجيبها من غير ما أقول حتى، وعدت فترة الخطوبة من غير أي مشاكل أو خلافات بينا".
بيخبي الأكل من العيال
ظنت أن حياتها بعد الزواج تكون أجمل من الخطوبة ولكن الواقع الذي عاشت فيه كان عكس ذلك نهائيًا، فكانت تذلل حتى يرق قلب زوجها ويجلب لها الطعام هي وأولادها، أضافت منى رواياتها قائلة: "مجوعني أنا والعيال وبالعافية لما كان بيجيب لنا أي حاجة نأكلها، وبقا لما يجيب أي أكل بيخبيه مني أنا والعيال عشان يضمن إننا منأكلش، بقا يصعب عليا العيال وهما جعانين كدا وانا مش عارفة اعملهم حاجة"، ظلت المشكلات في التفاقم بسبب بخله الزوج الذي كان السبب في كل المشكلات، وبعد فترة أدركت أن الحل لإنهاء ذلها هي وأولادها هو رفع دعوى نفقة في محكمة الاسرة لعلها تكون طريقة ناجحة للضغط على الزوج حتى يطعم أولاده، انهت منى قصتها قائلة: "مفيش حاجة جايبة معاه نتيجة ولا كلام ولا خناقات، ملقتش قدامي غير إني ارفع قضية نفقة عليه يمكن يحس على دمه ويصرف على عياله الجعانين دول"، ولا تزال القضية منظورة في المحكمة منذ 5 شهور.
تابع أحدث الأخبار عبر
