سميرة في دعوى طلاق: مضيع فلوسه على اخواته وسايب عياله جعانين
زواج سعيد وحياة مستقرة دامت لأكثر من 7 سنوات، ولكن تحول كل شيء في غمضة عين وتحولت معه هذه الحياة الجميلة لحزن يسكن منزل الزوجية بسبب رفض الزوج الإنفاق على أولاده على الرغم من إنفاقه على عائلته ما جعل المشكلات تتصاعد وكانت نهاية هذه الخلافات محكمة الأسرة لتقيم دعوى طلاق.
سميرة في دعوى طلاق: مضيع فلوسه على اخواته وسايب عياله جعانين
تصاعدت المشكلات والخلافات بينهما وأدركت الزوجة أن الحل هو الانفصال، تروي سميرة لـ "الحادثة" قصتها بالتفصيل مؤكدة على أنها كانت تنعم بحياة مثالية بكل المقاييس مع زوج طيب حنون عليها هي وصغارها.
تابعت: "كانت حياتنا زي الفل وكل حاجة تمام، لو كان في أي مشاكل كان بيعرف يتعامل ويمشي الدنيا معايا عشان المشاكل متكبرش وكان حنين أوي على العيال كمان، وكانت الناس بتحسدنا أصلًا على طيبته وحنيته دي".
مقضيها هدايا وسايب عياله جعانين
بدأت تلاحظ تغير الزوج معها في المعاملة بسبب رفضه الإنفاق عليها هي والأولاد على الرغم من إنفاقه على الغرباء، مضيفة: “اتغير ومبقاش عايز يصرف علي وعلى العيال مش فاهمة ليه، وكل ما أطلب كمنه مصاريف ينقطني دا لو اداني أصلًا، بقينا نتخانق كتير على الموضوع دا”.
تابعت: "كنت بقول في الأول يمكن ظروف عنده في الشغل بس لما لقيت بيصرف على اخواته عادي وفي هدايا رايحة وجاية دا مفيش حاجة وهو بيستعبط، ولما جيت أكلمه بيقولي أنا حر وأعمل اللي أنا عايزه".
رفع دعوى طلاق
تصاعدت المشكلات بسبب استمرار الزوج على الأسلوب ذاته وإهماله لزوجته وأولاده ما جعلها تطلب الطلاق وعند رفضه قررت اللجوء لمحكمة الأسرة ورفع دعوى طلاق، تستكمل رواياتها قائلة: “بقينا بنتخانق كتير أوي على الموضوع دا وهو برضو زي ما هو مبيتغيرش، وهم صعبان عليه العيال اللي جعانين دول وهو رايح يجيب هدايا لأخواته ويبعزق فلوسه عليهم”.
أنهت قصتها: "لما لقيت مفيش فايدة فيه، طلبت منه الطلاق بس هو رفض عشان كدا رفعت عليه قضية طلاق عشان أخلص منه ومن قرفه وسبت له البيت بقى عشان يعرف يصرف على اخواته كويس".
تابع أحدث الأخبار عبر
