سمر في دعوى طلاق: "مشغل عياله في الشحاتة عشان يصرفوا عليه"
10 سنوات تعيش فيهم "سمر" أسوأ أيام حياتها بسبب زوج تكاسل عن العمل وأصبحت هي المسئولة عن المنزل وكل مصروفات الزوج الأولاد، تصاعدت المشكلات حتى وصل الأمر بأنه يجبر أولاده على العمل حتى ينفقوا عليه بعد كما قررت الزوجة عدم النزول للعمل مرة أخرى، فكان رد فعلها على تصرفه هذا هو اللجوء لمحكمة الاسرة ورفع دعوى طلاق حتى تنقذ أولادها من قهر والدهم.
كل شوية اسيب البيت وارجع
تبدأ الزوجة رواياتها لـ "الحادثة" وأول ما قالته هو: "كان مشغلني أنا الأول عشان اصرف عليه أنا والعيال، ولما تطلق بقى يشغل عياله عشان يصرفه عليه"، سردت باقي قصتها بالتفصيل قائلة: "طول فترة الجواز واحنا بنتخانق بس مبنعملش حاجة غير كدا بسبب طريقته وأسلوبه معايا، بس كنت بحاول أمشي الدنيا بس هو اللي بيخترع أي حاجة عشان يتخانق"، تعيش في مشكلات وخلافات من بداية الزواج ولكنها كانت تجاري أمورها حتى لا تتصاعد الأمور ولكن الزوج كانت السبب في تصاعدها، تابعت: "بعد أول كام شهر من الجواز قعد من الشغل وبقيت انا اللي بشتغل وبصرف على البيت ولو مرضتش انزل الشغل في يوم بيضربني، بقينا نتخانق كتير بسبب الحوار دا"، أَضافت: "سبت البيت كتير وطلبت الطلاق كتير بس الأهل كانوا بيتدخلوا ويحلوا المشاكل وفضلنا على كدا 10 سنين اسيب البيت وارجع كي شوية لحد ما زهقت وجبت أخري خلاص".
مشغل عياله في الشحاتة عشان يصرفوا عليه
لم يتغير الحال الذي ظنته الزوجة أنه مجرد فترة مؤقتة، بل تعقدت الأمور بعدما أصر الزوج على نزول أولاده للعمل في الشحاتة بعد ما رفضت النزول للعمل مرة أخرى أضافت سمر: "زهقت وقلت له مش نازلة الشغل تاني، ولما لقاني قعدت فعلا في البيت ومش لاقي حد يصرف عليه نزل عياله يشحتوا عشان يجيبوا له مصاريفه، ودي كانت مشكلة كبيرة ودا اللي خلاني اسيب البيت"، انهت رواياتها قائلة: "مستحملتش اشوف عيالي اللي أكبر واحد فيهم 8 سنين والتاني 6 سنين وبيشحتوا عشان يصرفوا على أبوهم اللي قاعد في البيت من غير أي شغلة"، توجهت نحو محكمة الاسرة لرفع دعوى طلاق بعد كما فاض بها الكيل مع زوج لا يريد عمل أي شيء سوى تكاسله في المنزل.
تابع أحدث الأخبار عبر
