«عايش عشان كيفه وأمه».. هالة بدعوى نفقة: باع عفشي وساب البيت على البلاط
تكون المخدرات سبب في وصول العديد من السيدات لمحكمة الأسرة، بسبب سيطرتها على حياة أزواجهن عندما دمرت المخدرات عقولهم وتركوا المخدرات تسيطر على حياتهم بالكامل ولم يتركوا لزوجاتهم أي حل سوى اللجوء لمحكمة الأسرة.
كانت «هالة» على أبواب محكمة الأسرة تحمل الم وحسرة بسبب ما شاهدته من قسوة وعنف من زوجها مدمن المخدرات الذي لم يقدرها أو يرعاها أو يتقي الله فيها أو في أولاده، منذ زواج «هالة» اصطدمت بحقيقة ادمان زوجها للمخدرات عندما كان لا يصرف عليها أو على أولادهم ما يكفيهم، وحاولت الزوجة بكل الطرق ان تحافظ على بيتها وتعالج زوجها لكن عندما فشلت محاولتها توجهت لمحكمة الأسرة لتنقذ نفسها وأولادها من مستقبل غير معلوم مع زوج مثل زوجها.
جواز تقليدي وحياة عادية
قالت «هالة» : أنا اتجوزت من 8 سنين وخلفت من جوزي ولد وبنت، في الأول مكنش في مشاكل بيني وبين جوزي، لكن بعد الخلفة المشاكل بانت وزادت ومع الوقت كانت بتزيد أكتر وأكتر، كنت بتحمل واقول ظروفه وده اللي قدر عليه ولازم اتحمل جوزي.
جوزي مدمن مخدرات
تابعت «هالة»: لحد ما اكتشفت إنه بيشرب مخدرات وأنا معرفش, طلع بيشرب مخدرات من زمان حتى من قبل الجواز كل ده وأنا معرفش، أنا كنت عارفة إنه بيشرب في الأول حشيش لما شوفته معاه في جيبه لكن بعد كدة بقى مدمن بودرة وأنا معرفش.
محدش وقف معايا
أضافت «هالة»: اشتكيت لأهله قالوا ده راجل وبراحته، اشتكيت لأهلي قالولي اتحملي جوزك، محدش وقف جنبي، واضطريت اتحمله، لكن هو زاد في اللي بيعمله وصل انه لما بيبقى مش في وعيه بيضربني أنا وعيالي الصغيرين، وكان بيبقى عايزني طول الوقت ولو اعترضت يضربني.
دعوى خلع ودعوى نفقة
أنهت «هالة» حديثها: لحد في مرة ضربني انا والعيال وكان هيموتنا من غير ما حد يعمله حاجة، قررت ساعتها اسيبه وارفع قضية خلع أنت مش عايزة منه حاجة هو باع كل عفشي عشان المخدرات والبيت بقى على البلاط مفيهوش حاجة تتاخد، فوق كل ده لسه بيشرب مخدرات وباع حاجتي ومبيسألش على عيالي، بيجيب فلوس يصرف على أمه والمخدرات بس عشان كده رفعت عليه قضية نفقة.
تابع أحدث الأخبار عبر
