سعاد بدعوى خلع : «أهل جوزي عايزين يحرموني من عيالي بعد ما خربوا بيتي»
منذ زواج «سعاد» عاشت حياة تحكم فيها أهل زوجها الذي ظلوا ورائها وكانوا سبب في خراب بيتها وحياتها ونهاية حياتها مع زوجها.
زواج صالونات كانت الطريقة التي تزوجت بها «سعاد» بعد أن تقدم لها زوجها، وسألت على اخلاقه وأكد لها المعارف انه شخص مناسب للزواج وافقت عليه وتزوجته وانجبت منه أبنائها لكن كانت مفاجئتها بعد الزواج أن زوجها لا يشبه ما تخيلته أن يكون شريك حياتها، وفوق الحياة المؤلمة التي عاشتها «سعاد» مع زوجها كان أهل زوجها سبب كبير في تعاستها في حياتها وسبب تركها لزوجها، وانتهت السبل بـ «سعاد» لمحكمة الأسرة حتى تحصل على حريتها وحقوقها.د
زواج صالونات
قالت سعاد «انا اتجوزت من 8 سنين خلفت من جوزي ولدين، لما اتقدملي من زمان مكناش نعرف بعض اتقدملي عن طريق المعارف وسالنا عليه أنا واهلي ساعتها والناس قالوا عليه كويس ومحترم هو وأهله ووافقت عليه على أساس كدة».
اتغير بعد الجواز والخلفة
تابعت سعاد «في أول الجواز كان كويس ومفيش مشاكل، لكن بعد الخلفة المشاكل بدأت ومع الوقت كانت بزيد، كان بيصرف على القد بس وانا اللي مسؤولة اني اتصرف واكفي البيت باللي يسبهولي، مكنش بيبقى معايا وكنت بستلف عشان أقدر أكفي البيت والعيال».
اقرأ أيضا
أهله سبب المشاكل
أكملت سعاد «فوق اللي كنت مستحملاه من جوزي أهله كانوا مبهدلني وعلى طول عاملين معايا مشاكل بالرغم اني على طول بعاملهم كويس وعمري ما عملت مشكلة مع حد فيهم، أخواته وأمه كانوا بيتدخلوا في كل حاجة ويسخنوا جوزي عليا، كنت بسمع أخته تقوله متديهاش فلوس تصرف وكفاية عليها كدة، وكانوا سبب مشاكل كتير وأكبر سبب اني اسيب جوزي »
دعوى خلع
أنهت سعاد كلامها «أخر ما تعبت منه ومن المشاكل اللي مبتخلصش رفعت عليه قضية خلع وسيبت البيت وخدت عيالي معايا، أهله لما رفعت قضية خلع قالولي سيبي العيال معانا وتعالي شوفيهم في الإجازات، والعيال في حضانتي بس هما كانوا عايزين يا أخدهم ومطلبش منهم جنيه يا اسيبهم ويحرقوا قلبي عليهم، وأنا مقدرتش اسيب العيال ويبعدوا عن حضني، وهو محاولش يرجعني من ساعة ما سيبت البيت ولسه بيسمع كلام أهله.»