هبة بدعوى نفقة : لما رفضت اشتغل خدامة ضربني وطردني من البيت
عندما تقدم عريس لخطبة «هبة» وعدها أن يكون لها زوج صالح وترى معه الراحة والسعادة وبعد فترة قصيرة فقط من زواجهم اكتشفت أن نواياه عكس ما قاله لها وأنه لم يرد منها سوى المصلحة.
سنة فقط عاشتها «هبة» مستقرة في بيتها مع زوجها قبل أن تعلم الهدف الحقيقي وراء زواجهم، كان الزوج ووالدته يريدون خدامة جديدة بعد زواج اخت الزوج التي كانت تعمل هذه المهنة، ولم يخبر الزوج «هبة» قبل الزواج نيته لكنه خدعها و كذب عليها، ربما إذا اخبارها انه يريد الزواج منها تعمل مع والدته قبل الزواج كانت سترفض العريس ولن ينتهي بها الأمر في محكمة الأسرة وترفع دعوى نفقة لتحصل على حقوقها من زوجها الذي طردها وسرق كل عفشها لرفضها العمل خدامه مع والدته.
ضحك عليا لما اتقدملي
قالت «هبة»: «انا اتجوزت من سنتين وقعدت مع جوزي سنة بس، لما اتقدملي قال انه شافني واعجب بي ، وأنه شغال شغلانة كويسة وأنه طموح وعايز يحقق حجات كتير، وجاب شقة ايجار واسعة وكبيرة وفي مكان كويس فرحت ساعتها وقلت ربنا كرمني مكنتش اعرف أنه بيضحك عليا».
كان عايزني اشتغل خدامة
تابعت الزوجة: «أمه شغالة في عمارة بتمسح وتنضف أنا كنت عارفة وعلاقتي بيها كانت عادية، من بعد فترة من الجواز جه وقالي أن الشقة غالية ومش قادر على المصاريف واي لازم اشتغل مع أمه عشان أساعد في المصاريف، رفضت طبعا وقتها وقلت انا مش هشتغل خدامة».
عايزني ابقى خدامة ولما رفضت سرقوني
أكملت «هبة»: «في الأول كان بيسكتني ويقولي خلاص مش هتنزلي تشتغلي وبعد كدة بقى كل مادى يزن عليا أكتر من الأول، لما صممت على موقفي أني رافضة، بقى يتخانق معايا ويسحب المصروف ويعمل مشاكل كتير معايا، لحد ما أمه لقيتها هي كمان كانت بتقنعني اشتغل معاها ساعتها عرفت سبب الجواز أنهم جوزونا عشان يلاقوا حد يشتغل مع أمه بعد ما أخته اتجوزت».
دعوى نفقة
أنهت «هبة» حديثها: «لحد ما حصلت مشكلة كبيرة بسبب الموضوع ده وساعتها ضربني وطردني وخد حاجتي وحماتي قلبت عليا وسرقت الذهب بتاعي ، عملت تمكين بالشقة سلم عقد الايجار لصاحب البيت وخد العفش كله ومشي معرفش حاجة عنه من ساعتها، المشكلة حصلت وانا حامل في ٣ شهور ومشافش بنته من ساعة ما اتولدت، وجيت أرفع قضية نفقة عشان خاطرها».
تابع أحدث الأخبار عبر
