مقضيها شقق مفروشة.. سهام بدعوى خلع: «عينة زايغة على الحرام »
زوجة أصيلة متحملة كل أعباء المنزل بمفردها بعدما قرر الزوج التكاسل عن العمل وإفلات يديه من مسئوليات المنزل، صبرت الزوجة على نصيبها حتى لا تخرب بيتها وبدلًا من أن يقدر الزوج كل هذا ذهب لمواعدة النساء وخيانتها في الشقق المفروشة، توجهت نحو محكمة الأسرة لتقييم دعوى خلع بعدما تأكدت أن صبرها للسنوات الماضية ضاع هباءً.
بدأت سهام تسترسل قصتها لقاضي المحكمة مؤكدة على أنها تحملت سنوات في حياة تعيسة من أجل زوج لا يقدر كل هذا وقرر خياناتها، وتستكمل رواياتها قائلة: "يدوب سنتين ونص من الجواز هو اللي كان شايل فيهم البيت وبعدين بقا مشوفتش منه حاجة عدلة وبقا قاعد لي في البيت من ساعة ما اشتغلت وبقا معتمد إني كدا كدا بجيب فلوس".
كان مفهمني إنه بيروح عند صحابه
اعتمد الزوج على الزوجة في تغطية مصروفات المنزل بحكم أنها امرأة عاملة وتجلب المال، لهذا السبب تكاسل الزوج عن العمل ، وأصبحت سهام هي المتولية مصروفات ابنها الصغير وزوجها الذي قرر الاعتماد عليها في كل شيء، أضافت: "بقيت انا اللي شايلة البيت كله حتى مصاريفه أنا الي بديهاله، وكنت صابرة وساكتة عشان خاطر البيت وابني بس هو معنهدوش دم، وبدل ما ينزل الشغل ويصرف علينا اتجه لسكة الشمال والستات"، ما زالت الزوجة تكمل باقي تفاصيل قصتها وتقول: " قفشته قبل كدا بيخوني ، وعديته عشان بيتي بس مكنتش اعرف إنه هيكررها تاني، وهو نازل كان بيقول لي إنه رايح عند صحابه عشان اديله فلوس ومكنتش اعرف إنه بيروح يقابل بفلوس الستات اللي يعرفهم، ".
مقضيها في الشقق المفروشة
اكتشفت خيانة زوجها التي ظنت في البداية أنها لا تتعدى الكلام الطبيعي ولكن الموضوع اتخذ طريق بعيد عن الذي خطر في بالها، تلقت الصدمة الكبرى عندما علمت بأن زوجها يواعد النساء في الشقق المفروشة والأماكن المشبوهة، أكملت سهام والدهشة تحاصرها: "مكنتش متخيلة إن الموضوع يوصل للدرجة دي، عرفت أه في الأول إنه بيكلم ستات بس قلت كلام عادي مفيهوش اي حاجة بس طلع الموضوع أكبر من كدا بكتير وطلع بيقابلهم في شقق مفروشة، ومبيعملش كدا مع واحدة بس، مع كتير"، اختتمت رواياتها: “سبت البيت ورفعت عليه قضية خلع عشان اخلص من قرف اللي استحملته على الفاضي من غير ما يقدر”.
تابع أحدث الأخبار عبر
