صفاء في دعوى نفقة: بعد حب السنين اتجوز عِشرة عمري وأهمل عياله
كانت مفاجأة «صفاء» عندما اكتشفت خيانة زوجها لها وتزوجه عليها مفاجئتين، عندما علمت أنه تزوج صديقتها التي تعرفها من سنين عديدة وكانت تعتبرها أخت لها، وأوصلتها خيانتهم في البداية لمصحة نفسية لتتعالج من صدمتها أولا ولمحكمة الأسرة ثانيًا.
صفاء في دعوى نفقة: بعد حب السنين اتجوز عِشرة عمري وأهمل عياله
بعد زواج كان أساسه علاقة حب كبيرة بين «صفاء» وزوجها ونتج عنه 5 أولاد، ظنت «صفاء» أنه لا يمكن أن يكون هناك سبب في فشل علاقتها هي وزوجها، لكن نسي زوج «صفاء» عشرة السنين عندما تزوج صديقة زوجته بدون علمها، وتركها هي وابنائهم دون سؤال أو يصرف عبهم أي أموال حتى اضطر زوجته أن تتوجه لمحكمة الأسرة لتحصل على حقوقها التي حرمها زوجها منها.
جواز عن قصة حب 6 سنين
قالت «صفاء»: أنا اتجوزت بعد قصة حب 6 سنين وقفت قصاد الناس كلها عشان اتجوزه، وكان لسه بيبدأ حياته وبيقبض 40 جنيه، أنا كنت على طول واقفة في ضهره ومعاه، لحدما ربنا كرمه وبقى معاه عربيات وبيت ومكان بتاعه يشتغل فيه، وخلفت منه 5 ولاد، وكنت فاكرة انه هيكون عوضي وسندي في الدنيا لكني كنت غلطانة.
اتجوز عليا صحبة عمري
تابعت «صفاء»: لحد لما حمايا اتوفى واكتشفنا إنه كان متجوز على حماتي من غير علمها، حصلت مشاكل كتير ساعتها وكل الأسرار طلعت ساعتها، وعرفت ان جوزي اتجوز عليا صحبتي من ورايا، صاحبتي دي كنت باكلها بايدي وبدخلها بيتي من زمان.
كنت بتعالج بسبب الصدمة
أكملت «صفاء»: كنت مصدومة جدًا لما عرفت متوقعتش الخيانة من صاحبتي من واحنا عيال اللي كانت زي اختي ومن جوزي أبو ولادي، دخلت المستشفى اتعالج من الصدمة، لسه معاه مش عايزة اسيبه واخليها تنتصر عليا، بس من ساعة ما اتجوزها مبيدنيش جنية.
أخره يصرف 150 جنيه لو صرف
أنهت «صفاء» كلامها: ماشي بكلامها ورايها وكل حاجة اللي تقولها تتعمل، واخدلها شقة تمليك وعياله مش بيديهم ولا جنية، وبيعمل مشكلة لو صرف جنيه واحد على أكل أو شرب بعد ما كان كل فلوسه لبيته وعياله، بقى أخره 150 جنيه لو دفع حاجة أصلًا، ولما لقيت الحياة بقت كده ومش هطلق عشان ولادي، رفعت عليه قضية نفقة عشان أخد حقهم.