«عامل تسعيرة لشرفه».. فدوى بدعوى خلع: بيقولي دول صحابي وأنا اللي هاخد فلوس
قضية خلع كانت الحل الذي لجأت له «فدوى» عندما واجهت تجربة مؤلمة مع زوجها الذي سيطرت على مخه المخدرات وأسقاها من العذاب ألوان، ولم يقدرها أو يحافظ عليها أو على ابنتهم المراهقة.
عندما تزوجت «فدوى» لم تتوقع أبدا أن تكون نهايتها محكمة الأسرة بسبب زوجها مدمن المخدرات، حاولت «فدوى» بكل الطرق أن تحافظ على زوجها وبيتها، ولكن بعد فشل كل محاولتها ووجدت أن أذى زوجها أصبح لا يحتمل ومن الممكن أن يصل هذا الأذى لابنتها، قررت أن تترك زوجها وطردته من بيتها وتوجهت لمحكمة الأسرة لتقطع كل علاقاتها به بعد ما راته معه من ظلم وسرقه وفي النهاية لم يهتم أن يحافظ على شرفهم وعرضهم.
اتطرد من الشغل وقعد في البيت
قالت المحامية المسئولة عن قضية «فدوى»: الزوجة اتجوزت بقالها 7 سنين وفي أول الجواز الحياة كانت طبيعية ومفيش مشاكل زي أي زوجين، جوزها كان شغال في ورشة عامل وبيصرف عليها وعلى بنتهم اللي عندها 18 سنة، لحد من قريب الورشة قفلت بسبب الظروف المالية وهو بقى معندوش شغل وقاعد في البيت.
جوزها بيسرقها
تابعت المحامية: لما الزوج أعد في البيت الزوجة اضطرت انها تنزل وتشتغل وبقت بتشتغل في البيوت تغسل سجاجيد وتمسح شقق، عشان تقدر تصرف على نفسها وعلى بنتها، لحد ما جوزها بدا يسرقها بقى كل اللي بتشتغل بيه متلاقيهوش معاها وبعدين شكت في جوزها ان هو اللي بيسرقها واتاكدت بعد كدة لكن معملتش حاجة.
جايب البيت 3 صحابه لمراته
أضافت المحامية: لحد ما اكتشفت انه بيشرب مخدرات بقاله فترة، وبياخد الفلوس منها عشان المخدرات، لحد في مرة دخل البيت عليها بـ3 أصحابه، والقعدة كلها كانت مخدرات و سجاير حشيش، لما اتخانقت معاه عشان يمشيهم ضربها وقالها هتخدمي علينا وتعملي شاي، ولو هما عايزين يعملوا معاكي حاجة اعمليها وأنا كده كده هاخد منهم فلوس، صوتت ولمت الجيران عليه وأثبتت الواقعة وطردته من الشقة.
قضية خلع
أكملت المحامية كلامها وقالت: سابته وغيرت كالون الشقة عشان معاها بنت مراهقة وخافت ممكن يعمل معاها حاجة، ورفعت قضية خلع، عشان تخلص منه ومن شره.