هدى بدعوى نفقة: «شلت حمايا في تعبه ولما مات جوزي طردني من شقتي»
15 عام عاشتهم «هدى» مع زوجها وانجبت منه أولادها الأربعة وظنت انها دخلت عش الزوجية، وحققت حلمها في تكوين بيت وأسرة ولكن بعد سنين العشرة لم يقدر الزوج ما فعلته الزوجة من أجله ومن أجل أسرتهم ، وطردها من بيتها الذي ساعدته على شرائه، وترك تحكمات اخته تدمر حياتهم.
هدى في دعوى نفقة
"وقفت حنبه من الصفر لحد ما جبنا شقة بمليون جنيه ، وشيلت أبوه وهو عنده سرطان وأول ما أبوه مات طردني من الشقة " هذا هو الغدر والقسوة التي عاشتهم «هدى» مع زوجها واضطرت في النهاية أن تلجأ لمحكمة الأسرة حتى تحصل على حقوقها وترفع دعوى نفقة، فبعد سنين العشرة بينها وبين زوجها لم يقدر الزوج أي من هذا وتركها هي وأبنائهم دون سؤال تنفيذا لرغبة أخته.
اقرأ أيضا
اتجوزته وأنا صغيرة
قالت «هدى»: «اتجوزت من 15 سنة وخلفت 4 عيال جوزي اتقدملي أول ما رجعت من السعودية ومكنتش أعرف حاجة لسه وصغيرة ، وكنت فرحانة إني هبقى عروسة ، اتجوزنا والحياة كانت طبيعية ومفيهاش مشاكل وخلفنا وكنا زي أي ناس عادية، وبعد سنين عشناها سوا الدنيا كنا خلاص احنا الاتنين بنشتغل ونصرف على عيالنا مكنتش أتوقع انه يعمل معايا كدة في الأخر».
طردني من شقتي اللي أنا جايباها
تابعت «هدى»: «بقالي 10 سنين بحوش للشقة اللي جبناها دي وبيعت شقة ابويا اللي كان جايبهالي عشان أكمل حق الشقة كنت بحوش مجيبش لنفسي حاجة عشان أجيب الشقة تبقى ليا انا وعيالي في المستقبل، ومن سنة ابوه تعب وقعد كام شهر عيان انا اللي برعاه واخد بالي منه، وأول ما ابوه مات طردني من الشقة انا وولادي».
اخته سبب المشاكل كلها
أضافت «هدى»: «المشاكل معاه بدأت من سنتين من ساعة ما اخته رجعت من السفر وهي كانت سبب المشاكل كلها، أخوات جوزها مطلعين عينها وبيعاملوها وحش وبطلع عليا أنا وسلفتي العقد بتاعتها، فضلت ورا سلفتي لحد ما طلقتها من جوزها، واخته اللي قالتله يطردني وكانت بتدخل في كل حاجة استغلت أن والدي توفى وجت عليا مكنتش تقدر تعمل كدة وابويا عايش».
أنهت الزوجة كلامها وقالت: مشاني أنا وولادي الصغيرين بحجة أنه مش عايز يكمل معايا، ورفعت قضية تمكين ورجعت شقتي بس مكنش ينفع أعيش معاه، هو راح قعد عند أخته وطردته بعد ما خربت بيته، ودلوقتي رافعة عليه قضية نفقة.