ريهام بدعوى نفقة: "أخته سبب طلاقي وهي اللي كانت ممشيه البيت"
حياة هادئة مستقرة طمحت بها ريهام في عش الزوجية مع حياة خاصة بينها هي وزوجها فقط ولكن للأسف اهل الزوج خربوا عليها كل الطموحات التي حلمت بها.
بدأت المشادات والخلافات من السنة الأولى في الزواج بسبب تدخل أهل الزوج في الصغيرة والكبيرة بطريقة مبالغ فيها ووصل الأمر إلى التحريض على طلاقها غيابي.
أهله بيتدخلوا في حياتنا
أرادت شقيقة الزوج التحكم في كل شيء والتحكم في حياة شقيقها وزوجته وبالفعل أصبحت تتدخل طوال الوقت في حياتهم بطريقة تزعج الزوجة ما أدى لافتعال مشكلات طوال الوقت، بدأت ريهام تسترسل قصتها للقاضي قائلة: "من أول الجواز وأنا عايشة في مشاكل بسبب تدخل أهله في كل حاجة بنعملها انا وهو، في الأول كن بعدي عشان الموضوع ميكبرش بس بدأ يزيد وتدخلهم يزيد وأنا بدأت اضايق وطبعًا بدأت بقا المشاكل بينا ليل ونهار".
تابعت: "مرة الخناقة تبقى مع أمه ومرة مع اخته بسبب كلامهم ليل ونهار عليا وكل ما أكلم جوزي وأقوله أنا بضايق من تدخلهم يقول لي دول أكيد خايفين علينا وعايزين مصلحتنا، لما الخناقات زادت بقيت أسيب البيت وأغضب عند أهلي".
أخته اللي ممشيه البيت وخليته يطلقني غيابي
في كل مرة تترك فيها الزوجة منزل الزوجية كانت تفكر في شأن الأولاد وهذا هو السبب الوحيد الذي كان يجعلها مستمرة في حياتها رغم التدخلات المستمرة من الأهل، أكملت ريهام حديثها: "الخناقات بقت كتيرة مع امه واخته بسبب التحكمات الزيادة دا حتى كانوا لما بيشوفوه جايب لينا حاجة كانوا بيقعدوا يقولوا له لا متجبش كل دا وحافظ على فلوسك ومتضيعهاش كلها كدا في حاجات ملهاش لزمة".
أضافت: " بقيت بسيب البيت كتير بس كل مرة كنت برجع عادي عشان خاطر العيال، وكان هو اللي بيرجعني ويوعدني كل مرة إن خلاص مفيش حد هيتدخل في حياتنا تاني بس مكنش في أي حاجة بتتغير، أخر مرة غضبت فيها عن أهلي قعدت فترة وهو مرجعنيش خالص ولا كان فارق معاه أي حاجة، وبعد شهر قاعدة في بيت أهلي عرفت إنه طلقني غيابي والسبب في الطلاق أخته".
دعوى نفقة
تابعت الزوجة: "فضلت قاعدة عند أهلي طبعًا، وهو من ساعة ما أنا سبت البيت وهو ميعرفش أي حاجة عن العيال وأهلي هما اللي بيصرفوا علينا وكل ما أجي أكلمه وأقوله أنا عايزة فلوس للعيال يقول لي مش هصرف، فضلنا كدا كتير ولما عرفت إن مفيش فايدة جيت رفعت قضية نفقة بقالي كاملا شهر كدا واتحكم بـ 1000 جنيه للعيال".
أنهت ريهام قصتها: "الـ 1000 جنيه مبتعملش حاجة للعيلين فجيت أعمل استئناف عشان عايزة ازود النفقة، وهو قادر ماديًا بس هو مش عايز يصرف، والقضية دي بقالها شهر ولسة مكملة في الإجراءات".
تابع أحدث الأخبار عبر
