«رهن العفش عند أخته».. عائشة: 20 سنة شفت معاه الويل وأخرتها طلع مدمن
مثل أي سيدة كانت «عائشة» تأمل أن تعيش حياة طبيعية مع زوجها وعندما تحدث مشكلة أو يمر بظروف صعبة تحتوي الزوجة الموقف حتى لا تخرب بيتها، ولكن وجدت نفسها تسعى لإنقاذ زواجها بمفردها وزوجها لا يسعى سوى لخراب بيتهم.
20 عامًا كانت المدة التي عاشتها «عائشة» مع زوجها الذي أنجبت منه 3 أبناء وكانت تأمل أن يتقي الله فيها وفي أسرتهم، لكن ما وجدته منه هو البخل عليها وعلى أولادها، وحاولت مرات عديدة أن تتركه و تنقذ نفسها من الحياة معه لكن رغبتها في عدم خراب بيتها كانت تغلبها كل مرة وتعود لبيت زوجها، حتى في النهاية اكتشفت انه مدمن المخدرات وقررت وقتها ان تنهي حياتها معه عن طريق ذهابها لمحكمة الأسرة.
بخيل عليا أنا وأولاده
قالت «عائشة»: اتجوزت من 20 سنة وجبت 3 أطفال وكان جواز عن حب، من ساعة ما اتجوزنا وهو بخيل ومبيصرفش علينا غير على القد بس أنا كنت بمشي الدنيا واعدي عشان البيت ما يخربش، كل مادى كان بيزيد بخل عليا في المصاريف انفصلنا مرة عند المأذون ورجعنا تاني لما حلف انه هيتغير وحرام نخرب البيت ورجعت ساعتها عشان ولادي.
اكتشفت أن جوزي مدمن مخدرات
تابعت «عائشة»: بعد ما رجعت الاول اتعدل وبقى يصرف، كان بيصرف على القد وجه الايام الاخيرة مش عايز يصرف خالص عشان المصاريف زادت عليه، لحد ما اكتشفت انه مش بيصرف لانه بيشرب مخدرات وضيع فلوسه عليها، وطلع ييشرب مخدرات بقاله كتير، كنت عارفة انه بيشرب والفلوس بيصرفها على المخدرات، بس مكنش ينفع اطلق تاني الناس هتقول عليا ايه .
باع عفش البيت عشان المخدرات
أضافت «عائشة»: أهلي كانوا بيساعدوني في المصاريف بس اهلي مش هيفضلوا يساعدوني طول العمر، وهو اهله كانوا بيساعدوه لحد ما الطلبات كترت عليهم وقالوا خلاص مش هنساعدك، لحد في الاخر بقى يبيع عفش البيت عشان خاطر يجيب مخدرات، وكلما أساله على العفش يقولي الحاجة عند أختي شايلها رهن عندها وهي تديهاني لما اديلها فلوس.
اكملت «عائشة»: لحد ما زهقت منه وسببته ورحت خدت شقة اعد فيها انا وعيالي ورفعت دعوى خلع لأنه رافض يطلق ودي عشان يبهدلني معاه وأنا خلاص مش عايزة منه حاجة.
تابع أحدث الأخبار عبر
