أخبار محكمة الأسرة اليوم
أمينة لـ لمحكمة الأسرة: جوزي مدمن مخدرات واخواته خدوا فلوسه ورمونا
قصدت «أمينة» محكمة الأسرة وهي مجبرة بعد أن شهدت حياة صعبة وكان سببها زوجها وأهله، لم تكن الزوجة تتوقع عندما دخلت القفص الذهبي أن من استأمنته أن يكون زوج لها سيكون مدمن للمخدرات في يوم من الأيام ويكون هذا هو سبب تواجدها في المحكمة بعد محاولاتها العديدة في المحافظة على أسرتها.
قصص محكمة الأسرة.. جواز بعد قصة حب
بدأت «أمينة» حديثها وقالت: «أنا متجوزة من 10 سنين، معايا من جوزي 4 ولاد وسايباه من 4 شهور، كان جواز بعد قصة حب اتعرفت عليه عن طريق شغل، كان محترم جدا وكويس وابن ناس ومقتدر ماديا ومحصلش منه أي غلطة».
دعاوي محكمة الأسرة.. جوزي بقى مدمن مخدرات
أكملت حديثها قائلة: «بعد الجواز والخلفة جوزي بقى مدمن مخدرات، عرفت لما بان عليه كانت واضحة جدا، لما عرفت معرفتش أعمل ايه ولا اروح لمين يلحقه أهله كانوا عارفين إنه بيشرب مخدرات ومحدش حاول يساعده ، كنت لوحدي ووقفت معاه وقررت اخليه يبطل عشان بيتي ميتخربش وولادي ميتبهدلوش».
حكايات محكمة الأسرة.. أهله خرجوه من المصحة
تابعت حديثها قائلة: «دخلته مصحة لعلاج الإدمان وبعد ما قعد فيها أسبوع واحد أبو جوزي قالي احنا مش هنكمل في مصحات وفلوسها كتيرة علينا خلاه يطلع منها بحجه إنه يشوف حاله وشغله أحسن، عشان أخواته محتاجينه في الشغل معاهم».
قضايا محكمة الأسرة..اخواته خدوا فلوسه ورموه
أنهت الزوجة حديثها قائلة: «بعد ما خرج من المصحة أخواته استغلوا إنه مدمن و خدوا معرض عربيات بتاعه بتوكيل منه، خدوا فلوسه وعربياته وبقى معهوش حاجة دلوقتي رموه وبقوا يعملوا معاه مشاكل عشان بقى أقل واحد في فلوسه بينهم، عملوا معايا مشاكل كتير جدا وسيبت بيتي قعدت سنتين عند أهلي هو مش قادر يبطل ومش عايزين يسبوه في حاله، لحد ما لقيت مفيش فايدة وكان لازم ارفع قضية نفقة عشان خاطر ولادي، هو صعبان عليا بس مفيش حل تاني قدامي ».
تابع أحدث الأخبار عبر
