أخبار محكمة الأسرة
«معتبرني البنك».. سلمى بدعوى نفقة: أنا اللي بصرف على أهلي وولادي وجوزي خارج الخدمة
تواجدت «سلمى» في محكمة الأسرة حتى ترفع دعوى نفقة على زوجها لتحصل على أي مساعدة عندما وجدت نفسها في الدنيا دون ضهر أو سند، وكانت هي المسؤولة عن والدتها وأطفالها وعن مصاريفها ولم يتحمل زوجها أي مسؤولية.
قصص محكمة الأسرة.. ظروفه وحشة من زمان
بدأت «سلمى» حديثها وقالت: «أنا اتجوزت من 5 سنين وخلفت من جوزي ولد وبنت، من ساعة ما اتحوزته وهو ظروفه وحشة وعلى قد حاله، أنا كنت بشتغل وهو بيشتغل وبنكمل مع بعض في المصاريف والدنيا كانت ماشية الأول عادي لكن بعد كده المسؤولية والمصاريف زادت».
دعاوي محكمة الأسرة.. معتمد عليا في كل حاجة
أكملت حديثها قائلة: «لما العيال كبرت والمصاريف زادت جوزي بقى مش عايز يصرف أي حاجة في البيت ومعتمد عليا في كل حاجة أنا اللي أشتري اللي البيت محتاجه ومصاريف أكل وشرب للعيال، وهو مش عايز يشيل مسؤولية أي حاجة خالص، اتحملته كتير وحاولت معاه إنه يصرف ويتعدل لكن مفيش فايدة».
حكايات محكمة الأسرة.. المصاريف كتير عليا ومفيش حد واقف معايا
تابعت حديثها قائلة: «من 3 شهور سيبتله البيت قلت يمكن يتعدل ويصرف لكن مفيش فايدة، رحت عند أمي وهي مش معها يكفيها ويكفيني أنا وعيالي،. بقيت بصرف عليها هي كمان وبقى كتير عليا ومش قادرة اتحمل كل ده لوحدي، ولما لقيت ان خلاص مشفيش فايظة مش هرجعله وهو مش هيصرف ولا يتعدل جيت المحكمة عشان ارفع عليه قضية نفقة أخد أي حاجة تكفيني أنا والعيال واخواتي وأمي لان المصاريف بقت زيادة عليا ومفيش حد واقف معايا ولا بيساعدني، جوزي من ساعة ما سيبته بقى مبيسألش وعايش حياته عادي ولا كأن في حاجة حصلت ».
تابع أحدث الأخبار عبر
