أخبار محكمة الأسرة اليوم
محكمة الأسرة .. نادية: أهل جوزي طردونا وكانوا بيعذبوا ولادي
تواجدت نادية على أعتاب محكمة الأسرة على أمل أن تجد حل لمشكلاتها مع أهل زوجها الذي دمروا حياتها منذ زواجها من ابنهم، تحملت الزوجة الخلافات بينها وبين زوجها وعاشت معه على أمل أن تكون أسرتهم طبيعية ويحلوا مشاكلهم سويا مثل أي زوجين ولكن ما لم تستطيع تحمله هو ما فعله أهل زوجها معها وكيف دمروا حياتها ودمروا أسرتها ولم يتركوها تعيش حياة طبيعية بل أهانوها وطردوها من بيتها وتركوها تتوجه لمحكمة الأسرة لتبحث عن حقوقها التي سرقوها منها.
قصص محكمة الأسرة.. أهل جوزي مبهدلني ومرحمونيش
قالت «نادية» في بداية حديثها: «أنا متجوزة من 18 سنة خلفت من جوزي 5 أولاد، ولدت بنتي الصغيرة بقالي 5 شهور بس وجيت أرفع قضية تمكين بس مش على جوزي على أهله اللي مبهدلني من ساعة ما اتجوزته ومرحمونيش طول حياتي معاه، أنا لسه عايشة مع جوزي في نفس البيت بس مقدرش اتحمل أهله أكتر من كدة».
حكايات محكمة الأسرة.. فيه خلافات كتير بيني وبين جوزي
تابعت «نادية» حديثها قائلة: «من ساعة ما اتجوزت وأنا متجوزة في بيت عيلة ومن زمان وفيه خلافات بيني وبين جوزي وبيني وبين أهله، الخلافات بيني وبين جوزي كانت بسبب المصاريف، كان بيصرف مصاريف قليلة، عيشنا كذا سنة في المشكلة دي لحد ما نزلت اشتغلت معاه وبقيت أساعده وأساعد في مصاريف البيت ومصاريف العيال».
دعاوي محكمة الأسرة.. رجعت بيتي لأنهم عذبوا ولادي
أضافت الزوجة: «أهل جوزي كانوا سبب مشاكل كتير بيني وبينه لحد ما خلوني خلاص مش قادرة خلاص ومبقتش عايزة أكمل معاه، سيبت البيت فترة وكنت مقررة أطلق منه، لكن اضطريت أرجع لما لقيتهم بيعذبوا عيالي وبيقولوا ليهم امكم ست مش كويسة، رجعت بيتي وقلت أمشي أموري ومخربش بيتي لكن مفيش فايدة جوزي اتعدل لكن هما متعدلوش، لحد في أخر سنة بعد ما رجعت حملت في بنتي الصغيرة و مقدرتش أشتغل وكنت قاعدة في البيت وقتها، من ساعتها وهما بيتخانقوا معايا وعايزني أسيب البيت وطردوني أنا وجوزي كذا مرة من البيت واضطروني أرفع القضية عشان أضمن حقي أنا وعيالي».
تابع أحدث الأخبار عبر
