أخبار محكمة الأسرة اليوم
أمينة لـ محكمة الأسرة: عايز يعيش على السلف والشحاتة من الجيران
دعوى خلع في محكمة الأسرة لجأت لها «أمينة» بعد حياة صعبة عاشتها مع زوجها، ومثل أي زوجة لم تتمنى أن تصل لهذه النهاية، لكن وجدت أنه لا يوجد حل لمشاكلها مع زوجها واضطرت أن ترفع دعوى خلع لأنه رفض أن يعطيها حقوقها ويطلقها ودي.
قصص محكمة الأسرة.. سايبة كل حاجة بقالي سنتين
بدأت «أمينة» حديثها وقالت: «أنا متجوزة من 12 سنة معايا من جوزي ولدين، وسايباله كل حاجة بقالي سنتين، أنا وهو كنا قرايب كان ابن عم والدتي، وده اللي خلاني وافقت عليه على طول أنا وأهلي لما اتقدملي ومكنش فيه مشاكل منه».
دعاوي محكمة الأسرة.. مفيش مودة ولارحمة
أكملت حديثها قائلة: «في أول سنة جواز كان كويس لكن من بعد الخلفة بقى مش كويس معايا ومفيش منه ولا مودة ولا رحمة مبيصرفش كويس ولا بيشتغل، ولو اشتغل يبقى أسبوع واحد بس في الشهر».
حكايات محكمة الأسرة.. المشاكل بعد وفاة أمي
تابعت حديثها قائلة: «المشاكل معظمها كانت على المصاريف بس الدنيا كانت ماشية لأن أمي كانت بتصرف عليا وعلى الولاد وتدينا اللي محتاجينه أكل وشرب ولبس، المشاكل والخراب بدأوا بعد وفاة أمي مبقاش فيه حد يصرف علينا، والمصاريف زادت عليه».
قضايا محكمة الأسرة..عايش على السلف
أنهت الزوجة حديثها قائلة: «قررت انفصل عنه بسبب حجات كتير، بقي يشتم ويضرب ومكنش بيعمل كدة زمان، وبقى عايز يعيش على السلف على طول من الجيران ويخليني استلف أنا غير إنه بقى بيشرب مخدرات كان بياخدها عشان شغله سواق بليل ، حاولت اخلص الموضوع ودي لكنه رفض مش عايز يطلق عشان ماخدش حقوقي رافعة خلع بقالي شهرين».
تابع أحدث الأخبار عبر
