أخبار محكمة الأسرة
وفاء لـ محكمة الأسرة : أهل جوزي قالوا عليا سبب موته عشان ياخذوا حقي
دعوى إعلام وراثة في محكمة الأسرة كانت صاحبتها «وفاء» الزوجة التي كانت حياتها مع زوجها صعبة منذ زواجها منه ، وحتى بعد وفاته ظلت المشاكل تطاردها في حياتها حتى اوصلتها لأبواب محكمة الأسرة.
قصص محكمة الأسرة.. جواز قرايب
قالت «وفاء» في بداية حديثها: «أنا متجوزة بقالي 13 سنة، ومخلفة من جوزي ولدين، كان جواز قرايب من بعيد، ومطولناش في الخطوبة لأننا كنا عارفينه وعارفين أهله وواثقين فيهم، في الأول كانوا كويسين ومفيش منهم مشاكل وهو كان محترم وبيشتغل ومعاه فلوس يفتح بيت والدنيا الأول كانت ماشية».
دعاوي محكمة الأسرة..شوية كويس وشوية بتاع مشاكل
أكملت كلامها قائلة: «أنا وجوزي حصل بينا مشاكل كتير من بعد الجواز هو كان كويس شوية وبتاع مشاكل شوية، كانت أسبابها كتير بس كانت الأول بتتحل، لحد ما وصلت للمصاريف وقتها الخناقات كترت، بسبب أن مصاريف العيال بقت كتيرة وهو مش عايز يصرف خالص وبيقول مش معاه فلوس دايما مع انه بيشتغل وعنده محل بتاعه».
حكايات محكمة الأسرة.. جوزي مات فجأة
تابعت حديثها قائلة: «حصل بينا مشاكل كتير على المصاريف لحد أخر مشكلة سيبت البيت بسبب المصاريف، سيبت البيت شهر تقريبا وبعد كدة عرفت أنه مات، كانت صدمة عليا ومعرفتش أعمل ايه وبقيت لوحدي أنا وولادي في الدنيا».
قضايا محكمة الأسرة.. أهله اتهموني في وفاته
أنهت حديثها قائلة: «بعد ما جوزي مات رجعت بيتي عشان اقعد فيه أنا وولادي، أهله طردوني منه واتهموني إني سبب موته وانا كنت مش معاه أصلا لما مات بس هما بيعملوا دة عشان مخدش حاجة من حقي أنا وولادي، حاولت معاهم كتير انهم يدوني حقي لكن رفضوا وخدوا كل حاجة وورثي من جوزي، ودلوقتي ميت بقاله سنتين وجيت المحكمة عشان أرفع قضية إعلام وراثة عشان أخد حق ولادي اللي أهلهم رموهم».
تابع أحدث الأخبار عبر
