أخبار محكمة الأسرة اليوم
«مفيش في قلوبهم رحمة».. رجاء بمحكمة الأسرة: أعمام ولادي واكلين حقوقهم
كان سبب تواجد «رجاء» في محكمة الأسرة هو محاولة حصولها على حقوق أبنائها من أعمامهم الذي استغلوا وفاه أخيهم وسرقوا حقوق أبنائه اليتامى وليس لهم ضهر أو سند في الدنيا غير والدتهم، التي لجأت لمحكمة الأسرة لتأخذ حق أبنائها الذي حرموا منه.
قصص محكمة الأسرة.. استحملت بيت العيلة
بدأت «رجاء» حديثها وقالت: «أنا كنت متجوزة من 15 سنة في بيت عيلة، خلفت من جوزي 3 أولاد، الحياة كانت ماشية عادي ومفيش خلافات بيني وبين جوزي غير العادية وكان فيه مشاكل في بيت العيلة، بس كنت بعديها وكانت زي أي بيت ».
دعاوي محكمة الأسرة..جوزي مات فجأة
أكملت حديثها وهي متأثرة وقالت: «لحد ما جوزي اتوفى من 10 سنين تعب 63 يوم واتوفى، كان في الشغل ووقع حصله نزيف داخلي متعرفش في الأول فمات منه، كانت صدمة كبيرة عليا لقيت نفسي لوحدي في الدنيا ومحدش واقف معايا ولا وهو تعبان ولا لما اتوفى».
حكايات محكمة الأسرة.. أعمامي خدوا حق ولادي
تابعت حديثها قائلة: «بعد ما جوزي مات حماتي هي اللي كانت واقفة معايا، وكانت بتديني مصاريف كفاية ليا وللعيال، أعمام ولادي هما اللي كانوا مش واقفين معانا حتى لما تعب، ولما حماتي ماتت المشاكل كلها بدأت وزيادة عن الأول، أعمام ولادي مرضيوش يدوهم حاجة من حقهم قالوا ملهمش حاجة عندنا، وهما المفروض يورثوا جدتهم».
قضايا محكمة الأسرة..قضية إعلام وراثة
أنهت الزوجة حديثها قائلة: «حماتي باعتلهم البيت وبقى مفيش حاجة لينا هي سايبة لولادي بس هما بيقولوا مفيش وزادوا في بهدلتهم لينا، المشاكل معاهم بقالنا سنة، حاولت معاهم كتير ولما مدوش عيالي حاجة، رفعت عليهم قضية رفعت عليهم قضية إعلام وراثة لسه عايشين في بيت العيلة ومخرجناش منهم بس لسه مدوناش حاجة من حقنا».
تابع أحدث الأخبار عبر
