أخبار محكمة الأسرة اليوم
الشقة من حق الزوجة.. غادة بدعوى تمكين: عايش حياته وراميني أنا وابنه
لجأت «غادة» لرفع دعوى تمكين على زوجها الذي استغل فرصة خروجها من البيت لتقضي فترة في بيت أهلها، وعاش حياته بدونها وبدون تحمل أي مسؤولية، وعندما وجدت الزوجة نفسها دون حقوقها توجهت لمحكمة الأسرة لتحصل عليها.
قصص محكمة الأسرة.. اتجوزته عشان الناس قالت عليه كويس
بدأت «غادة» حديثها وقالت: «أنا متجوزة من 2013 وخلفت من جوزي ولد واحد بس، كنت عارفاه عن طريق ناس معارف، اتقدملي وكان كويس ومحترم جدا ووافقت عليه عشان الناس قالوا عليه كويس وأهله ناس كويسة ومحترمة».
دعاوي محكمة الأسرة.. المشاكل بسبب ومن غير سبب
أكملت حديثها قائلة: «المشاكل بينا في الأول كانت عادي جدا زي أي اتنين متجوزين وكانت ساعات كتيرة وساعات عادية، لكن بعد فترة بقت بسبب ومن غير سبب، كان كل ما تحصل بينا مشكلة يتلكك وميصرفش على البيت ولا على الولد، وكنت كل شوية اغضب عند أهلي وهو يرجعني».
حكايات محكمة الأسرة.. عايش حياته ولا كأن فيه حاجة
تابعت حديثها قائلة: «لحد في مرة حصلت مشكلة كبيرة بسبب إنه بياخد الفلوس اللي بتبقى معايا بجيبها من أهلي، وقتها سيبت البيت ورحت عند أهلي ومن ساعة ما غضبت أخر مرة مسألش فيا تاني ولا في العيال ومحاولش يرجعني تاني، وعرفت من الجيران إنه عايش حياته بينزل وبيخرج ولا كأن فيه حاجة حصلت».
قضايا محكمة الأسرة.. قضية تمكين
أنهت الزوجة حديثها قائلة : «لما عرفت إنه عايش حياته ومش بيسأل فينا ولا فارق معاه قررت أرفع عليه قضية تمكين عشان أخد الشقة اللي هو قاعد فيها وراميني أنا وابنه، أنا لسه معاه متطلقناش ولسه سايبة البيت وقاعدة عند أهلي وهو مبيصرفش ولا بيسأل».
تابع أحدث الأخبار عبر
