أخبار محكمة الأسرة اليوم
عايشها سفلقة .. عايدة لمحكمة الأسرة: اتمرمغ في خيري وفي الآخر طردني
قضية خلع ونفقة في محكمة الأسرة كانت نهاية «عايدة» بعد مساعدتها لزوجها منذ أن تقدم لخطبتها، رضت الزوجة بوضع زوجها المادي الذي كان غير مستقر لتجد نفسها في الحياة وحدها في الدنيا أمام محكمة الأسرة بعد طرده لها.
قصص محكمة الأسرة.. جوزي ظروفه صعبة
بدأت «عايدة» حديثها وقالت: «أنا متجوزة بقالي 11 سنة ومخلفة من جوزي بنت وولد، أنا مكنتش أعرف جوزي قبل الجواز كان جواز صالونات، لما اتقدملي كانت ظروفه صعبة وبيشتغل موظف، بس وافقت عليه أنا وأهلي لأنه كان يبان عليه أنه محترم».
دعاوي محكمة الأسرة..أنا اللي جبت الدهب
أكملت حديثها قائلة: «من قبل ما نتجوز وأنا بقف جنبه وبساعده، اتفق مع أهلي إنه يجيب دبلة وخاتم وكانوا قليلين جدًا وقال ده ظروفه واللي يقدر عليه، وقتها أنا كنت بشتغل ومعايا فلوس كملت أنا من معايا وجبت غويشتين، وفي كتب الكتاب اديتهمله وقلتله يلبسني قدام أهلي عشان يفتكروا هو اللي جاييه، كنت راضية وقلت أقف جنبه وأساعده».
حكايات محكمة الأسرة.. طردني من البيت وغير الكالون
تابعت حديثها قائلة: «بعد الجواز برضو مكنش معاه فلوس برضو، أنا كنت بشتغل وأكمل لو في حاجة البيت محتاجها، والدنيا كانت ماشية، كان فيه مشاكل بس زي كل بيت، لحد في أخر فترة المشاكل كتير وفي أخر مشكلة طردني من البيت وغير كالون الشقة وأنا كنت جايبة معظم عفش البيت أصلا جاب أوضة النوم وباقي العفش أنا اللي جبته، ومن ساعة ما مشيت مسألش فينا ولا في العيال، وجيت المحكمة عشان أرفع عليه قضية نفقة للعيال، أنا وقفت معاه كتير ورد الجميل إني واقفة قدام المحكمة بسببه».
تابع أحدث الأخبار عبر
