أخبار محكمة الأسرة
مأساة لمياء: طردني على الدائري الفجر بقميص النوم ومسألش على بناته
عاشت «لمياء» حياة مليئة بالألم بسبب زوجها، وكلما كانت تفكر في الهروب من جحيم الحياة الزوجية، كانت تضطر للعودة بكامل إراداتها إلى عش الزوجية خوفا على بناتها، لكن الفراق كان النهاية الحتمية، حيث توجهت إلى محكمة الأسرة للحصول على حقها ونفقة بناتها في النهاية.
قصص محكمة الأسرة
بدأت «لمياء» حديثها وقالت: «أنا اتجوزت في 2003 وخلفت بنتين، من ساعة ما اتجوزت وكان باين عليه إنه بني أدم صعب وأسهل حاجة عنده الغلط والزعيق، وكنت صابرة عليه عشان خاطر بناتي، هو الصراحة كان بيصرف عليا وعلى البنات، بس كان صعب العيش معاه».
لسانه طويل وعاملنا فضايح في الشارع
أكملت حديثها قائلة: «لحد سنة 2007 قررت اسيبه ورحت عند أهلي واتطلقت منه لأن لسانه طويل وعلى طول مفرج علينا الناس وعاملنا فضايح ومقدرتش أكمل معاه وهو مش بيحترمني، وبعد الطلاق اتبهدلت في المحاكم والأقسام عشان أخد منه حقوقي، ورفعت عليه محضر بالقايمة واتحبس بسببها».
حكايات محكمة الأسرة.. عايز ينتقم مني
تابعت حديثها قائلة: «في 2010 رجعت لجوزي تاني، أهلي السبب إني رجعت، قالولي العيال لازم تتربى مع أبوها وأنا وافقت ارجعله عشان بناتي صغيرين قلت عشان يتربوا مع أبوهم، لما رجعت اتبهدلت أكتر؛ كان عايز ينتقم مني عشان حبسته بالقايمة، وبقى شتيمة وإهانة أكتر من الأول».
قضايا محكمة الأسرة..طردني الفجر
أنهت الزوجة حديثها قائلة: «سنة 2015 اتطلقت منه تاني المرة دي بسبب إنه طردني ببناتي الساعة 4 الفجر على الدائري بقميص النوم، كان واخد ترمادول ومش في وعيه ولما فاق مسألش عليا ولا على بناته، كان تاني يوم العيد من ساعتها خدت ولادي واستقريت في شقة لوحدي ونزلت شغل واتهبدلت عشان اصرف عليهم، ورفعت عليه قضية نفقة عشان خاطر حق بناتي».
تابع أحدث الأخبار عبر
