أخبار محكمة الأسرة اليوم
حرمني من الخلفة.. زوجة في دعوى خلع: عملي ربط مبايض وأنا بولد
طرقت «خلود» أبواب محكمة الأسرة عندما تم استبدال فرحتها بأنها أصبحت أم بحزن شديد عندما علمت ما فعله معها زوجها الذي انعدم من قلبه الرحمة، بعد تحملها له منذ زواجها منه حرمها من أن تنجب مرة أخرى واضطرها أن ترفع دعوى خلع ونفقة حتى تحصل على حريتها.
قصص محكمة الأسرة..أهلي هما اللي اقنعوني بالجواز
بدأت «خلود» حديثها وقالت: «أنا متجوزة من سنتين بس، اتجوزت جواز صالونات مكنتش أعرف جوزي كويس، أهلي كانوا موافقين عليه وهما اللي اقنعوني بالجواز، بعد الجواز على طول جوزي كان كويس وراجل عادي والمشاكل بينا كانت قليلة بس ده كان في الأول بس».
دعاوي محكمة الأسرة.. مبيشتغلش ولا بيصرف
أكملت حديثها قائلة: «كانت مشكلتي الوحيدة مع جوزي هي المصاريف كان مبيصرفش غير قليل ومبيشتغلش عشان يكفي البيت من أي مصاريف، وحتى لو اشتغل بيخلي فلوسه لنفسه ومبشوفش منه حاجة وكن باخد من أهلي لما بحتاج فلوس، كنت صابرة عليه لأن أهلي هما اللي قالولي لازم تصبري على جوزك وتستحمليه».
حكايات محكمة الأسرة.. حرمني من الخلفة
تابعت حديثها قائلة: «طول فترة جوازنا جوزي كان بيسعى إننا ننخلف لفينا عند دكاترة كتير لحد ما حملت في بنتي، طول فترة الحمل وبعد ما ولدت مكنش بيصرف برضو عليا ولا على البنت وأهلي هما اللي بيصرفوا وشالوا كل مصاريف الولادة، لحد من فترة اكتشفت إن جوزي عملي ربط مبايض وأنا بولد عشان مخلفش تاني، ومكنتش أعرف إنه عملهالي وأنا في العمليات بولد اتفق مع الدكتور من غير ما أعرف عرفت بعد الولادة بفترة كنت تعبانة ورايحة أكشف وعرفت ساعتها، وسيبته من وقتها ورحت عند أهلي ورفعت عليه قضية خلع ونفقة عشان أخلص منه ويصرف على البنت».
تابع أحدث الأخبار عبر
