أخبار محكمة الأسرة اليوم
دعاوي محكمة الأسرة.. سمية: رجع ندمان عشان اتنصب عليه ومحتاج فلوس
دعوى خلع كانت الحل النهائي الذي اختارته «سمية» بعد أن عاشت حياة يملأها الألم والحسرة مع زوجها الذي لم يقدرها أو يحترمها طوال حياتها سويا وأسقاها العذاب ألوان، واضطرت في النهاية أن تتوجه الزوجة لمحكمة الأسرة حتى تحصل على حريتها بعد أن وجدت نفسها وحدها في الحياة دون مساعدة حتى من أهلها.
قصص محكمة الأسرة.. متبهدلة من ساعة ما اتجوزت
بدأت «سمية» حديثها عن معانتها وقالت: «أنا من ساعة ما اتجوزت وأنا متبهدلة من جوزي إهانة وشتيمة وغلط، أحنا كنا متجوزين جواز صالونات ومكنتش اعرفه قبل الجواز كويس، وفضلت معاه عشان أهلي كانوا رافضين إني أطلق».
دعاوي محكمة الأسرة.. أهلي السبب إني فضلت معاه
أكملت «سمية» حديثها وقالت: «لحد ما حملت من جوزي وساعتها قلت يمكن يتعدل ويبقى كويس لكن كنت غلطانة، فضل يبهدلني وكان بيضربني عشان أسقط، وكل ما اشتكي لأهلي يقولوا استحملي وكل الستات بتستحمل أجوازها، كان بيعمل كل حاجة وحشة خيانة وضرب وكل ده استحملته ومكنتش بتكلم».
حكايات محكمة الأسرة.. مسألش فيا طول فترة حملي
تابعت الزوجة كلامها وهي تبكي قائلة: «لحد ما رحت أولد عند أهلي وقتها مسألش فيا خالص طول فترة الحمل ولما ولدت مجاش الولادة، لحد بعد الولادة بأسبوع تقريبا كلمني وقالي سامحيني وأنا في كارثة وفي مصيبة وظلمتك وحقك ربنا خده منك وعايز أرجعك وطلع إن فيه حد نصب عليه وكان محتاج حد يسلفه فلوس وخد من أهلي ووعدهم إنه مش هيعمل معايا حاجة تاني».
قضايا محكمة الأسرة.. قضية خلع
أنهت «سمية» حديثها قائلة: «بعد ما رجعني بفترة قليلة رجع نفس القصة الخيانة والضرب والإهانة وعايش معايا وعاملي محضر إني عورته وبيبعت المحاضر على عناوين غلط عشان معرفش استلمهم وكل ده وأنا معرفش، أهلي رفضوا إني اسيبه عشان لسه ليهم فلوس عنده لكن أنا سيبته وخددت شقه برة وجيت رفع عليه قضية خلع».
تابع أحدث الأخبار عبر
