أخبار محكمة الأسرة اليوم
عايدة لـ محكمة الأسرة : مش عارفة أخد الميراث
تتعدد قصص السيدات في محكمة الأسرة وكانت قصة «عايدة» إحدى هذه القصص، تزوجت «عايدة» بعد قصة حب نشأت بينها وبين رجل متزوج وكانت على علم أنه متزوج قبل علاقتها به وقبلت الزواج منه بالرغم من زواجه من أخرى ليتوفى الزوج بعد سنة فقط من زواجهم مما جعلها تلجأ لمحكمة الأسرة.
مش عارفة أخد الميراث
قصص محكمة الأسرة.. اتجوزت راجل متجوز
بدأت «عايدة» حديثها وقالت: «أنا وجوزي كنا متجوزين من سنة واحدة بس ومعندناش أولاد، اتعرفت عليه وحبينا بعض واتجوزنا بعد ما عرفنا بعض بفترة قليلة بعد قصة حب بينا، لما عرفته كان متجوز وعنده ولد، أنا كنت عارفة وموافقة بس مراته كانت رافضة طبعا إنه يتجوز عليها واحدة تانية، وكانت بتعامل جوزي وحش بسبب إنه اتجوزني».
دعاوي محكمة الأسرة.. قضية إعلام وراثة
أكملت حديثها قائلة: «بعد جوازنا سنة واحدة بس جوزي مات فجأة مكنش تعبان ولا أي حاجة، متوفي دلوقتي بقاله 4 شهور، ومن ساعة ما مات وأنا في مشاكل مع مرات الأولى بسبب إني مش عارفة أخد الورث، وده اللي خلاني أجي المحكمة أرفع قضية إعلام وراثة، أنا مكنش ليا علاقة بيها بس من بعد الوفاة وهي مبهدلاني بتكرهني لأن جوزها سابها عشاني مع إني مليش ذنب».
حكايات محكمة الأسرة.. مش عارفة أخد الورث
تابعت «عايدة» حديثها قائلة: «سبب المشاكل اللي بتحصل معايا في الورث هي مراته الأولى، أنا من حقي أخد التمن من ورث جوزي، لكن زوجته الأولى رفضت ومش راضية تديني حقي وشايفة أن مليش حق أخد أي حاجة، شايفة أنها عاشت معاه أكتر ومتجوزاه من سنين ومعاها منه ولد وهي اللي لازم تاخد الورث كله وأنا مش من حقي أخد أي حاجة مع إنه كان جوزي زي ما كان جوزها».
تابع أحدث الأخبار عبر
