أخبار محكمة الأسرة اليوم
عياره فالت .. هدى: بيقولي اقفلي القرآن عشان يتفرج على فيديوهات إباحية
تواجدت «هدى» على أعتاب محكمة الأسرة لترفع دعوى خلع ونفقة على زوجها الذي كان رجل لا يؤتمن أن تكمل حياتها معه ولم يصونها او يحترمها أبدا وهربت منه حتى تحمي ابنتها.
قصص محكمة الأسرة.. كان عريس لقطه
وقعت الزوجة في الفخ عندما تقدم لها زوجها وأقنعها أنه رجل محترم ومتدين ومقتدر ماديًا هو وأسرته مما جعلها توافق عليه بسرعة، لتكتشف في النهاية أن هذا القرار كان أكبر غلطة في حياتها
بدأت «هدى» حديثها وقالت: «أنا متجوزه من 4 سنين، مكنتش أعرف جوزي قبل الجواز هو شافني وأعجب بيا واتقدملي، وقتها كان يبان عليه إنه عريس لقطه غني ومحترم وأهله يبان عليهم ناس كويسة، ده اللي خلاني وافقت عليه وقتها واتجوزته وخلفت منه بنتي».
دعاوي محكمة الأسرة.. أمه بتقويه عليا
أكملت حديثها قائلة: «جوزي في أول سنة جواز كان كويس جدا ومفيش بينا مشاكل غير العادية بس وميبانش حاجة عليه، لكن أمه كانت ست صعبة بتكدب وتقول عليا كلام مش كويس ومحصلش وكانت بتحرضه انه يتجوز عليا وكانت بتبعت رسايل بتقوله فيها يضربني ويبهدلني وأنا كنت بشوفها، عمري ما عملت معاهم حاجة وحشة مكنتش عارفة بتعمل معايا ليه كدة».
حكايات محكمة الأسرة.. بيقولي اقفلي القرآن عشان اللي بتفرج عليه
تابعت حديثها قائلة: «لحد ما وش جوزي الحقيقي بان، كان بني أدم مش كويس وبيعرف عليا ستات كتير، كنت بسمعه بيكلم الستات وأقول معلش أحافظ على البيت وده اللي خلاه يبهدلني أكتر وأكتر، شفت معاه الويل كان الساعة 3 بليل بيقولي اقفلي القران عشان بتفرج على فيديوهات مش كويسة متنفعش مع القران، وبيضربني ضرب يموت».
قضايا محكمة الأسرة..قضية خلع ونفقة
أنهت «هدى» حديثها قائلة: «سيبت البيت قلت يمكن يتعدل ورجعت عشان خاطر بنتي متتبهدلش لما قالي هيتيغر، قعدت معاه 3 شهور بس كان بيضربني وكانت طريقته تعامل مع بنتي غريبة ومش كويسة قلت عيب ومينفعش، سيبته وقررت أطلق منه عشان خايفة على البنت الصغيرة، ورفعت عليه قضية حلع ونفقة عشان أخلص منه ولأنه مش بيديني أي مصاريف للبنت هو أو أهله».
تابع أحدث الأخبار عبر
