أخبار محكمة الأسرة اليوم
أميمة لـ محكمة الأسرة : الفلوس لما جريت بأيده عرف على بنات في سن أولاده
كانت أميمة في محكمة الأسرة وسط العديد من السيدات وصلوا جمعيهن لهذه النهاية بسبب أزواجهم الذي عكروا صفو حياتهم وجعلوا المحكمة ملجأهم الوحيد بعد حرمانهم من حقوقهم، لكن كان سبب تواجد أميمة هو ان زوجها بعد عشرة السنين وصبر الزوجة على أفعاله طوال حياتهم الزوجية تغير الزوج عليها ولم يحسن معاملتها بسبب علاقته المتعددة.
قصص محكمة الأسرة..جوزي مكنش مخليني محتاجة حاجة
قالت «أميمة» في بداية حديثها: «أنا متجوزة من 24 سنة وكان جواز صالونات وزي الناس عادي، خلفت من جوزي 4 أولاد، أول ما اتقدملي واتخطبنا واتجوزنا كل حاجة كانت تمام ومفيش مشاكل، كان كويس معايا جدا أول الجواز ومش مخليني محتاجة حاجة».
دعاوي محكمة الأسرة..المشاكل كانت صغيرة ومش كتير
أكملت «أميمة» حديثها وقالت: «المشاكل مع جوزي بدأت من زمان من ساعة ما خلفنا ولما العيال كبروا، هو اللي كان بيشتغل وبيصرف على البيت، وكان بيصرف عادي على كل اللي محتاجينه أنا والعيال، لحدما بقى فيه مشاكل وخلافات بينا كانت زي اي زوجين عادي مش كبيرة اوي وحاولت أصلح مابينا لكن هو مكنش عاجبه اي حاجة انا بعملها عشانه».
حكايات محكمة الأسرة.. مبيصرفش عليا جنية
تابعت «أميمة» حديثها قائلة: «المشاكل كل مادى كانت بتزيد لحد ما جوزي بقى مبيصرفش عليا عشان يعاقبني، بيصرف على البيت والعيال ومش راضي يديني جنية واحد، ويقولي ملكيش عندي حاجة وإذا كان عاجبك، سنين واحنا عايشين في العذاب ده كنت لو عزت اجيب اي حاجة لنفسي اطلبها من أهلي عشان هو مش بيديني حاجة».
قضايا محكمة الأسرة..بيعرف عليا بنات صغيرة
أنهت «أميمة» حديثها قائلة: «أخر فترة زادت شاف نفسه عليا بسبب ان معاه فلوس، وشاف حياته مع البنات الصغيرة اللي بقى يعرفهم عليا، ولما عرفت اللي بيعمله طلبت منه الطلاق رافض الطلاق الودي وعايزني اتنازل عن كل حقوقي واديله فلوس كمان، بس الحل ده منفعش معايا، لحد ما سيبت البيت ورفعت عليه قضية الخلع، أنا لو لو مكنتش سيبته كان هو اللي هيسبني».
تابع أحدث الأخبار عبر
