أخبار محكمة الأسرة اليوم
حرماني من حفيدي.. سناء لـ محكمة الأسرة: أمه رامياه ومش مكفيها حزني على ابني
تواجدت «سناء» في محكمة الأسرة وبان عليها الشيبة والعجز وفي أعينها الحزن والألم عما شهدته في حياتها، اضطرت الأم أن تواجه ألم خسارة ابنها وعندما حاولت أن تعوض خسارتها لابنها مع حفيدها وجدت زوجة ابنها المتوفي تعترض طريقها ولم تتركها تعتني بحفيدها والتفت لحياتها تاركه الولد اليتيم دون رعاية أو اهتمام.
قصص محكمة الأسرة.. أنا اللي جوزت ولادي التلاتة
قالت «سناء» في بداية حديثها: «أنا جوزي متوفي بقاله 12 سنة، ومن وقتها أنا اللي مسؤولة عن ولادي وتربيتهم ومصاريفهم، جوزت ولادي التلاتة ابني الكبير أنا اللي كنت مجوزاه ومراته كانت قريبتنا من بعيد وكنا واثقين فيهم، أنا اللي وقفت في جوازهم وجهزتهم ومخلتش ناقصهم حاجة، وكنت بعاملها زي بنتي».
حكايات محكمة الأسرة..ابني مات فجأة
تابعت «سناء» حديثها قائلة: «مكنش فيه مشاكل والدنيا كانت عادية بعد ما ابني اتوفي بقاله سنتين، اوفى بعد ما جتله ازمة قلبية فجأة كان كويس ومات كانت صدمة عليا وكان قلبي مروق عليه ومصدومة بعد وفاته، كل اللي كان مصبرني بعد موته إن ابنه موجود وكان نفسي ربنا يقدرني وأعوضه عن غياب أبوه، ».
دعاوي محكمة الأسرة.. مرات ابني خدت ابنها ومشيت
أضافت الأم الدموع في عينيها: «بعد وفاة ابني مراته خدت الولد وراحت عند أهلها بحجة أنها تعبانة وعايوى أهلها يقفوا معاها، بعد كدة مرضيتش ترجع تاني ومبقتش راضية تخليني أشوف حفيدي، ابني كان كويس معاها ومش مخليها محتاجة حاجة و كان ليها شقة تمليك اول ما مات خدت الولد ومشيت وحرمتني من الولد».
قضايا محكمة الأسرة..رفعت قضية رؤية عشان اشوف حفيدي
أنهت «سناء» حديثها قائلة: «اضطريت أرفع قضية رؤية عشان أقدر اشوف حفيدي بعد ما أمه مش مكفيها إنها رامياه وحرمتني منه، هي كانت بتشتغل بس شغلها مبيجبش حاجة ودلوقتي بتشتكي أن مبقاش معاها تدفع مصاريف للولد أو تصرف عليه ومخليه دي حجتها في إنها متخلنيش أشوف الولد، ودلوقتي اتجوزت وجوزها مش عايز الولد وعايزين يرموه، وفعلا رمت الولد عند أمها وهي كمان رافضة تخليني أشوفه».
تابع أحدث الأخبار عبر
