أخبار محكمة الأسرة اليوم
محكمة الأسرة.. رضوى : بغضب عند أهلي أكتر ما بقعد في بيتي
كانت رضوى في محكمة الأسرة بعد معانتها التي عشاتها مع زوجها الذي لم تقضي معه في بيتها فترة طويلة منذ زواجهم لتواجدها في بيت أهلها فترة أكبر بسبب الخلافات العديدة التي حدثت بينهم، التي أوصلتها في النهاية لمحكمة الأسرة كمحاولة منها لتحصل على حقوقها لتعيش حياة طبيعية بعد حياة ملأها الألم وعدم الاستقرار.
قصص محكمة الأسرة..مكنش فيه مشاكل من جوزي في الأول
قالت «رضوى» في بداية حديثها: «أنا متجوزة من 2016 معايا من جوزي ولد واحد بس، اتجوزنا جواز تقليدي زي أي اتنين ناس قالوله عليا واتقدملي كان كويس ووافقت عليه واتجوزنا على طول، مكنش فيه مشاكل منه الأول لكن المشاكل كانت كل مادى بعدين بتزيد».
حكايات محكمة الأسرة..بغضب بالشهور ومش بيسأل فيا
تابعت «رضوى» حديثها قائلة : «بقالي من ساعة اتجوزته واحنا في مشاكل وفي خناقات، كنت بغضب واروح عند أهلي ويجي يصالحني ونرجع تاني أول كام مرة كان بيرجعني بس بعد كدة بقى أهله هما اللي كانوا بيروجعوني ، كنت بغضب أقعد كام شهر ميسألش فيا وأول ما يكلمني أهلي يروحوني معاه».
دعاوي محكمة الأسرة.. كسرلي عفشي وأهلي رجعوني
أضافت «رضوى»: «حاولت كتير أصبر عليه يمكن في يوم من الأيام يتعدل لكن مفيش فايدة، أخر مشكلة حصلت بينا كانت من 3 سنين كسرلي حاجتي كلها ودمر البيت استغل إني مش في البيت كنت غضبانة وكسر كل حاجة حتى أوضة النوم مفككها رحت عند أهلي وأهلي رجعوني قالوا عشان خاطر ابنك ميتبهدلش، رجعت وبعدها بكام يوم عمل معايا مشكلة وطردني من البيت ولما رفضت أخرج كسرلي دراعي ورحت عند أهلي ومقدرتش ارجعله تاني لأن العيشة معاه بقت مستحيلة».
قضايا محكمة الأسرة..عمل إنذار بالطاعة لما رفعت قضية النفقة
أنهت «رضوى» حديثها قائلة: «دلوقتي فيه مشاكل بيني وبينه مش راضي يديني النفقة، ولما عرف إني رفعت عليه قضية نفقة عملي إنذار بالطاعة، وأنا رفعت النفقة مضطرة لأنه مبيصرفش على الولد خالص وده من زمان بس قبل كدة كنت ببقى غضبانة وأهلى بيصرفوا دلوقتي مفيش حد بيصرف».
تابع أحدث الأخبار عبر
