أخبار محكمة الأسرة اليوم
محكمة الأسرة.. علاء: عملتلها كل حاجة وفي الآخر عايزه تاخد الشقة وترميني
كان «علاء» في محكمة الأسرة حائر يبحث عن حل لمشكلته مع زوجته التي توجهت لمحكمة الأسرة لترفع دعوى تمكين حتى تأخذ الشقة وتطرد زوجها والد أطفالها منه بدون وجه حق.
قصص محكمة الأسرة..عملت لمراتي كل اللي هي عايزاه ومفيش حاجة عجباها
قال «علاء» في بداية حديثه: «أنا اتجوزت من 6 سنين وخلفت من مراتي ولد وبنت، مكناش نعرف بعض قبل الجواز كويس والجواز تم على طول، كان فيه مشاكل بس بتتحل عادي زي أي اتنين متجوزين، عملت كل حاجة كانت عايزاها لكن مفيش فايدة».
حكايات محكمة الأسرة..انفصلنا عن طريق الخلع وأنا معرفش
كان علاء بعد زواجه لديه أمل أن يعيش حياة طبيعية مع زوجته وأبنائه لكن تدمرت أحلامه بسبب خلافاته مع زوجته، التي رفعت بسببها دعوى خلع.. تابع «علاء» حديثه قائلا: «كان في خلافات كتير مع مراتي كانت بتحصل بسبب ومن غير سبب، بعد أخر مشكلة مشيت وسابت البيت وراحت عند أهلها، كنت فاكرها زي أي خناقة وهتعدي لكن رفعت عليا قضية خلع واتحكم لها بالخلع واطلقنا».
دعاوى محكمة الأسرة.. بهدلتني في المحاكم
انفصلت الزوجة عن الزوج بالرغم من عدم رغبته في خراب بيته ولم يكفيها ما فعلته لكن رفعت قضايا أخرى على الزوج حتى تدمر ما تبقى من حياته.
أضاف الزوج لكلامه: «انفصلنا وأنا مكنتش عايز أخرب بيتي، أنا عملت كل اللي هي عايزاه كانت مش عايزة تسكن في بيت العيلة أجرت شقة برة كانت بتشتكي من المصاريف كنت بعمل كل اللي أقدر عليه عشان أكفي لكن مفيش فايدة ومفيش حاجة عاجباها، وبعد قضية الخلع رفعت عليا قضية نفقة عشان العيال وأنا بدفع النفقة ومش مقصر».
قضايا محكمة الأسرة.. رافعة عليا قضية تمكين عشان تطردني
أنهى «طارق» حديثه قائلا: «لحد أخر حاجة لقتها رفعت عليا قضية تمكين عايزة تاخد الشقة اللي في بيت العيلة عشان هي اللي باسمي وأنا قاعد فيها دلوقتي وهي هدفها أنها تطلعني منها وتاخدها بس عشان تبهدلني وتزلني مش مكفيها كل اللي عملته معايا جيت المحكمة عشان أعرف هي رافعة عليا قضايا ايه».
تابع أحدث الأخبار عبر
