أخبار محكمة الأسرة
إسراء لـ محكمة الأسرة: عايز يحرق قلبي على ابني عشان مليش حد
كانت خلافات «إسراء» مع زوجها سبب تواجدها في محكمة الأسرة فلم يتقي الله فيها وأذاقها كل أنواع العذاب والإهانة أثناء حياتها معه وعاشت وتحملت من أجل تربية طفلها، ولكن زاد العذاب من زوجها حتى دمر حياتها، وبعد سنين القهر والخوف التي عاشتها الزوجة مع زوجها قررت أن تتوجه لمحكمة الأسرة عسى أن تجد حل لمشكلتها مع زوجها القاسي الذي لم يرحمها يوما.
قصص محكمة الأسرة.. المشاكل زادت بعد المسؤولية
قالت «إسراء»:« أنا اتجوزت من ٢٠١٢ فضلت مع جوزي ٨ سنين، وجبت منه ولد واحد، كان جواز عن حب وكان كويس جدا في الأول بس المشاكل بدأت من بعد ما اتجوزت وأول ماخلفت والمسئولية والمصاريف كتروا عليه مكنش عايز يصرف على عيل أو يتحمل مسؤولية بيت ويصرف فلوس اللي محتاجينه»
.
دعاوي محكمة الأسرة.. بتضرب لو طلبت المصاريف
تابعت الزوجة: « استحملت كتير وقلت ظروفه وهيعمل ايه بس الحياة معاه كانت كلها ضرب وشتيمة وبهدلة كان بيضربني بالقلم لما اطلب منه مصاريف يغمى عليا، استحملته عشان خاطر بنتي العيلة الصغيرة اللي لسه بترضع، وقلت عشان مخربش بيتي وأبهدلها بس الحياة معاه كانت صعبة ولا تحتمل».
حكاوي محكمة الأسرة.. بيهددني عشان عارف إن مليش حد في الدنيا
بعد تحمل إسراء لزوجها لسنين عديدة وحاولت بكل الطرق أن تغيره عسى أن يعود الشخص الذي أحبته وتزوجته، عندما وجدت أن الحياة معه أصبحت مستحيلة بسبب تهديده لها طوال الوقت بأن يحرمها من طفلها قررت أن تأخد قرار مصيري في حياتها.
أضافت «إسراء»: « بعد ما استحملته كل ده على أمل أنه يتعدل لقيت مفيش فايدة قررت خلاص إني مش عايزة أكمل معاه طلبت منه الطلاق وهو رفض عشان ماخدش حاجة من حقوقي، رفعت عليه قضية خلع وسيبتله البيت بس مفيش حد يقف معايا من أهلي ، لما عرف إني رفعت عليه قضية الخلع لقيته بقى بيهددنى كل شوية هياخد مني ابني اللي عنده سنه لسه وبيرضع، وهو بيعمل كدة عشان عارف إني مليش حد يقف معايا أو يقف قصاده».
