أخبار محكمة الأسرة اليوم
الورث عاميهم.. عفاف لـ محكمة الأسرة : ولادي محرومين من أبسط حقوقهم وأعمامهم السبب
تواجدت «عفاف» أمام محكمة الأسرة تبحث عن حقوقها وحقوق أبنائها بعد وفاة زوجها وحماتها، وخسارتها ضهرها وسندها أصبحت هي الأمل الوحيد لأبنائها وسندهم في الحياة.
وعندما حاولت أن تحصل الزوجة على حقوق أبنائها في ورث أبيهم وجدتهم ليكملوا حياتهم بشكل طبيعي، وجدت طمع الأقارب والجشع سيطر عليهم وطردوها دون سؤال أو مساعدة، حتى اضطرت أن تكون نهايتها محكمة الأسرة حتى تبحث عن حل لمشكلتها مع أهل زوجها الذي لم يتركوها تعيش حياة طبيعية مع أبنائها بعد خسارتهم كل ما يملكوه في الدنيا.
قصص محكمة الأسرة.. اتجوزت في بيت عيله وكان فيه مشاكل
قالت «عفاف» في بداية حديثها: «أنا اتجوزت جوزي من 18 سنة وخلفت منه ولد وبنت، الدنيا كانت ماشية انا وهو كنا نعرف بعض لأننا كنا من نفس البلد، اتجوزنا في بيت عيله والدنيا كان فيه مشاكل بس العادي بتاعت بيت العيلة».
حكايات محكمة الأسرة.. جوزي مات ومبقاش لينا حد في الدنيا
تابعت «عفاف» حديثها قائلة: «جوزي من فترة تعب وكان عيان جدا ودخل المستشفى وقتها محدش من أهل جوزي وقف معانا أنا اللي شيلته وخدت بالي منه وكنت بجيبله العلاج وباخد بالي من العيال كمان لحد ما جوزي مات ومبقاش ليا حد ياخد باله مني أو من العيال».
دعاوي محكمة الأسرة.. أعمام ولادي طردونا بعد وفاة حماتي
أضافت الزوجة: «بعد موت جوزي حماتي كانت بتاخد هي بالها مننا وبتصرف علينا وبتدينا اللي احنا محتاجينه بعد وفاتها أعمام ولادي خدوا حقنا وقالوا أننا ملناش حاجة وطردوني من البيت أنا وولادي وكدبوا قالوا أن حماتي مسابتش لينا حاجة».
قضايا محكمة الأسرة.. عايزه أخد حق ولادي من أهلهم
أنهت «عفاف» حديثها قائلة: «اضطريت في الأخر أرفع قضية إعلام وراثة عشان أعرف أخد حقي أنا وولادي منهم بعد ما طردونا، حاولت معاهم كتير أنهم يدوني ورثي اللي حماتي سابتهولي بس هما رافضين وسرقوا حقنا، هما موقفوش معايا وجوزي تعبان ولا بعد ما مات ولا بعد وفاة حماتي كل همهم الورث وبس».
تابع أحدث الأخبار عبر
