أخبار محكمة الأسرة اليوم
محكمة الأسرة.. قسمت: افتكرت إني هخلص منه بـ قضية الخلع لكن مصيرنا اتعقد
كان سبب تواجد “قسمت” في محكمة الأسرة هو عكس العديد من السيدات فتوجهت للمحكمة حتى تتنازل عن القضايا التي رفعتها على زوجها من أجل أبنائها، انفصلت قسمت عن زوجها منذ سنين عديدة بسبب عدم صرف زوجها عليها أو على أبنائها.
وبعد أن فاض بالزوجة الكيل انفصلت عن وتوجهت لمحكمة الأسرة حتى تحصل على النفقة، وعندما فشلت في الحصول على حقوقها توجهت مرة أخيرة لمحكمة الأسرة حتى تستطيع الحصول على نهاية لقصتها.
قصص محكمة الأسرة.. انفصلت عن جوزي بعد 19 سنة
قالت «قسمت» في بداية حديثها: «متجوزة من سنة 2000 خلفت من جوزي 4 أولاد، كان جواز زي أي جواز تقليدي اتجوزنا وخلفنا ومكنش فيه مشاكل في الأول بس بعد كده كل ده اتغير، وانفصلت عن جوزي من 2019 واطلقنا لما رفعت عليه قضية خلع».
حكايات محكمة الأسرة.. جوزي مبيصرفش عليا أنا وولادي
تابعت «قسمت» حديثها قائلة: «المشاكل مع جوزي كانت بسبب ظروف المعيشة كان معهوش يكفي مصاريف البيت رغم إنه بيشتغل ومعاه فلوس بس مبيصرفش غير على القد وكان مبيكفيش حاجة، حاولت معاه كتير إنه يتعدل ويصرف على أولاده بس مفيش فايدة كان مبيصرفش».
دعاوي محكمة الأسرة.. رفعت على جوزي قضية خلع عشان أخلص منه
أضافت الزوجة: «المشكلة كانت بسبب إنه شغله المرتب بتاعه قليل ومبيكفيش حاجة وهو مش عايز يشتغل شغل تاني، لما يأست من عمايله وإن خلاص مفيش فايدة، رفعت قضية خلع واطلقت منه لأنه رفض الطلاق ودي لأنه مش عايز يديني حقي».
قضايا محكمة الأسرة.. هتنازل عشان خاطر ولادي
أنهت «قسمت» حديثها قائلة: «بعد الطلاق رفعت عليه قضايا نفقة عشان أعرف أخد حقي وحق ولادي لكن معرفتش أخد حاجة هو مبيدفعش لأن معهوش فلوس رفعت عليه قضية متجمد نفقة وبرضو مفيش فايدة، طول الفترة اللي معرفتش أخد فيها حقي اضطريت أنزل واشتغل عشان أصرف على ولادي، دلوقتي جيت المحكمة عشان هتنازل عن قضايا النفقة عشان عياله قالوا مش عايزين منه حاجة عشان أبوهم ميستجنش، احنا أصلا مبقيناش محتاجينه».
تابع أحدث الأخبار عبر
