أخبار محكمة الأسرة
اتعلم البخل على كبر.. أسماء لـ محكمة الأسرة : ضيق علينا لما ربنا كرمه
محكمة الأسرة محطة أخيرة تلجأ إليها الزوجة إذا ضاقت بها الطرق، فمن خلال حديثنا مع «أسماء» التي طرقت أبواب محكمة الأسرة لتطالب فيها بالحصول على حقوقها هي وابنها.
سنين من الحرمان عاشتها مع زوج رفض تحمل المسؤولية وإعطائها ما تحتاجه لتعيش حياة طبيعية هي وابنها الرضيع، الذي لم يكن له ذنب في الدنيا هو أنه ولد لأب لم يرد تحمل مسؤوليته، وعندما حاولت الأم أن تأخذ حق ابنها ما وجدته منه هو القسوة والقهر حتى اضطرت أن تترد على أبواب محكمة الأسرة عسى أن تجد حل لمشكلتها مع زوجها.
قصص محكمة الأسرة.. اتجوزت جاري بعد قصة حب
قالت «أسماء» في بداية حديثها : «أنا اتجوزت من 8 سنين وجوزي كان جاري، وأنا وهو كان نعرف بعض من زمان واتجوزنا بعد قصة حب كبيرة بينا، لما اتقدملي كانت ظروفه وحشة وأهلي كان مش موافقين عليه وأنا اللي صممت واتجوزنا وخلفت منه ابني».
حكايات محكمة الأسرة.. اتحملت جوزي عشان خاطر ابني
تابعت «أسماء» حديثها قائلة: «فضلت واقفة جنبه في الأول لحد ما ظروفه اتحسنت وبقى يشتغل شغل زيادة وبقى معاه فلوس، وأنا كنت بتحمل ظروفه وامشي نفسي على قد اللي معاه واللي يقدر يديهوني وعمري ما اشتكيت واتحملته عشان خاطر ابني».
دعاوي محكمة الأسرة.. مبيصرفش عليا وهو معاه
أضافت الزوجة: «لحد بعد ما ربنا كرمه وبقى معاه بقى مبيصرفش عليا أنا وابني وبقى كل لما اطلب منه مصاريف يقولي حاضر، وهبقى أسيب ومفيش حاجة هو مكانش كده في الأول كان كويس جدًا ومش بيستخسر فيا أو في ابنه حاجة، بس مش عارفة ايه اللي حصلوا لما بقى معاه بخل علينا وابني صغير ومحتاج مصاريف وأنا مبشتغلش أجيب منين».
قضايا محكمة الأسرة.. عمل إنذار بالطاعة عشان رفعت عليه قضية
أنهت «أسماء» حديثها قائلة: «لحد ما اضطريت اروح بيت أهلي ورفعت عليه قضية نفقة لأنه مفيش حاجة نافعة بالذوق معاه، بعد ما رفعت النفقة اتحكم لي بـ 400 جنيه بس، وبعدها عملي انذارين بالطاعة ورا بعض عشان ينتقم مني ارني رفعت قضية عليه، ودلوقتي كل حاجه واقفه علشان الانذارين والمبلغ ده قليل ومش مكفي أي حاجة ليا أنا او ابني ».
تابع أحدث الأخبار عبر
