أخبار محكمة الأسرة اليوم
محكمة الأسرة .. إسراء: جوزي ضعيف الشخصية قدام أهله وهما سبب خراب بيتنا
وصلت «إسراء» وهي في عشريناتها لأعتاب محكمة الأسرة تبحث عن حقوقها وعن الخلاص من زوجها الذي ترك تدخلات أهله تدمر أسرته وحياتهم ولم يصون زوجته أو بيته، وبعد مدة قصيرة فقط من زواج «إسراء» وجدت أن نهاية زواجها أصبحت حتمية ولا تستطيع أن تكمل حياتها مع شخص ضعيف الشخصية على استعداد أن يعرضها للألم فقط ليرضي أهله وتوجهت لمحكمة الأسرة بحثا عن حلول لمشكلتها.
قصص محكمة الأسرة .. أهل جوزي بيكرهوني من زمان
قالت «إسراء» في بداية حديثها: «أنا متجوزة من سنتين معايا ولد بس وسايبه جوزي بقالي شهرين، أنا وهو كنا جيران في الخطوبة كان كويس جدا، ميبانش عليه حاجة غلط خالص ولحد ما اتجوزت أول سنة كان عادي ومفيش مشاكل، أهله هما اللي كانوا عاملين مشاكل معايا من زمان ومش بيحبوني».
حكايات محكمة الأسرة.. كبرت دماغي وقلت كفاية هو كويس
تابعت «إسراء» حديثها قائلة: «المشاكل مع جوزي بدأت أنه مبيصرفش علينا وشخصيته ضعيفة قدام أهله مع إني عايشة بعيد عنهم لكنهم كانوا بيحطوني في دماغهم وكان بيضربني عشان خاطر أهله كانوا يبهدلوني قدامه وميتكلمش، معرفش ايه اللي خلى حاله يتقلب هو كان كويس معايا في الأول لكن أهله هما مش كويسين معايا بس أنا كنت بكبر دماغي وأطنش قلت لنفسي أنا مش هعيش مع أهله كفابة هو كويس معايا».
دعاوي محكمة الأسرة.. جوزي بهدلني عشان خاطر أهله
أكملت الزوجة حديثها: «كان يتخانق معايا ويضربني عشانهم وكان مبيصرفش علينا مع أنه بيشتغل بس مبيصرفش هما معرفينه انه ميسبش فلوس معايا، مش عارفة بيعملوا معايا كدة ليه بيعملوا فرق بين السلايف، اتحملت وسكت عشان مخربش بيتي »
قضايا محكمة الأسرة.. كل شوية يرجع لطبعه الصعب
أنهت «إسراء» حديثها قائلة: «بقالي سنة بشتكي من موضوع أنه مبيصرفش ده بس مفيش فايدة غضبت كتير ورحت عند أهلي وكان بيرجعني من عند أهلي يوعدني أنه هيتعدل لكن برضو مفيش فايدة يومين ويرجع لطبعه تاني ضرب وإهانة، لحد ما تعبت من الحياة دي رفعت خلع لأني طلبت الطلاق وهو رفض طبعا لما أهله قالوا سيبها مرمية».
تابع أحدث الأخبار عبر
