أخبار محكمة الأسرة اليوم
محكمة الأسرة .. كوثر: أهل جوزي بيستخدموا عفشي الجديد قدام عيني
كانت محكمة الأسرة هي الحل الأخير الذي لجأت له «كوثر» بعدما عاشت حياة امتلأت بالظلم والمعاناة من زوجها الذي لم يقدرها أو يحترمها أو يصونها وأهل زوجها الذي لم يتقوا الله فيها ويعاملوها مثل أبنتهم مثلما وعدوها عندما تقدموا لخطبتها لابنهم واستمروا في ظلمهم لها حتى اضطروها أن تتوجه لمحكمة الأسرة بحثا عن حريتها وحقوقها التي حرمت منها طوال حياتها.
قصص محكمة الأسرة.. اتجوزت في بيت عيلة عشان الظروف
قالت «كوثر» في بداية حديثها: «أنا اتجوزت من 2016 خلفت من جوزي ولد وبنت تؤام، لما اتقدملي عرفني اننا هنعيش في بيت أهله ولما رفضت قالي وقتها ده وضع مؤقت ومش هيفضل على طول وصدقته ووافقت وأهله كانوا ناس كويسة الأول ومكنش يبن عليهم بتوع مشاكل».
حكايات محكمة الأسرة.. بيستخدموا عفشي من ورايا
تابعت «كوثر» حديثها قائلة: «من أول جوازنا وأهله عايزين يسيطروا على كل حاجة ويمشوا كلمتهم في كل حاجة عليا وعلى حياتنا، كنت بعدي الدنيا عشان معملش مشاكل وأخرب بيتي، بس هما كل مادى كانوا بيتمادوا وخلوا حياتنا جحيم وبيتدخلوا في كل حاجة، وبقوا يستخدموا عفشي والحجات اللي جايباها لجهازي الأول كنت بديهم عادي لكن بعد كدة بقوا ياخدوا بمزاجهم من غير استئذان، يستخدموا حاجتي قدامي ويقولوا إذا كان عجبك».
دعاوي محكمة الأسرة.. مبسمعش كلمة شكر
أكملت الزوجة حديثها قائلة: «المشاكل معاهم كل مادى كانت بتزيد ومبتقلش، حاولت كتير اني متخانقش ولا اعمل مشاكل بس مفيش فايدة، وجوزي مكنش بيقف معايا خالص، وهما استهلكوا حاجتي وبيخلوني اخدمهم ومفيش كلمة شكر حتى، عيشت واتحملت لحد ما خلاص مبقتش قادرة أكمل الحياة بالوضع ده، وخدت ولادي وسيبت البيت».
قضايا محكمة الأسرة.. رفعت قضية نفقة ومستنياه يرجعني
أنهت «كوثر» حديثها: «سيبت البيت ورحت عند أهلي بس مطلبتش الطلاق من جوزي لأني مش عايزة أخرب بيتي، أنا بس نفسي يعاملوني كويس، جيت المحكمة رفعت عليه قضية نفقة عشان مصاريف الولاد لأنه مبيصرفش خالص ولا بيسأل وأنا مستيناه يرجعني وكل لما أقوله ارجع يقولي ان شاء الله».
تابع أحدث الأخبار عبر
