أخبار محكمة الأسرة
محكمة الأسرة.. هيام بدعوى خلع: جاب لابني صدمة وخلاه مبيتكلمش
وصلت «هيام» محكمة الأسرة بسبب اختيارها الخطأ لزوجها الذي لم تسأل عليه أو على أخلاقه وسمعته قبل زواجها منه، واعتمدت فقط على اختيارها على ما رأته من زوجها عندما تقدم لخطبتها لتكتشف سريعا بعد زواجها أن كل ما رأته منه قبل الزواج ما هو إلا كذب وخداع، واضطرت الزوجة أن تتوجه لمحكمة الأسرة حتى تدفع ثمن اختيارها الخطأ.
قصص محكمة الأسرة.. وافقت عليه عيان نفسي اتجوز
قالت «هيام» في أول حديثها: «أنا اتجوزت من 3 سنين اتعرفت على جوزي عن طريق ناس صحابي اتقدملي ووافقت عليه على طول ومسألناش عليه لأنه كان باين عليه شخص مناسب وكان نفسي اتجوز ويبقالي بيت وأبقى أم ، وفعلا اتجوزنا بعد الخطوبة بفترة قليلة، وخلفت منه ولد الدنيا لحد ساعتها كانت كويسة ومفيش مشاكل».
دعاوي محكمة الأسرة.. مبيشتغلش ولا بيتحمل مسؤولية
تابعت «هيام»: «بعد الجواز المشاكل كلها بدأت وكل مادى كانت بتزيد، بقى مش عايز يشتغل وعلى طول عايز يعد في البيت، بقى مبيشتغلش خالص ولا عايز يشيل أي مسؤولية ومهما حاولت أتكلم معاه واعقله مفيش فايدة معاه، مكنتش اعرف انه كدة قبل الجواز، كنا طول الوقت في مشاكل ومبتتحلش».
حكايات محكمة الأسرة.. مشكلتي اني مسالتش عليه قبل الجواز
أكملت «هيام»: «اضطريت اني انزل اشتغل بعد ما بيعني دهبي و عايز يعد في البيت بس وميشتغلش خالص، مشكلتي اني مسالتش عليه قبل الجواز لو كنت سألت كنت عرفت أنه مبيكملش شهرين في شغلانة، الحياة معاه كانت صعبة كلها توتر ومشاكل وبقى صوته بقى عالي كل مرة أحاول اكلمه واتفاهم معاه، طول الوقت بيتخانق ويكسر البيت بس مكنش بيمد ايده عليا».
قضايا محكمة الأسرة.. جاب لابني صدمة عصبية
أنهت «هيام» حديثها: «اتحملته كتير عشان مخربش بيتي لكن اللي خلاني اسييه ان الوضع بقى زي ما هو مبيتغيرش وهو مش عايز يتغير ومعايا ابني بقى لازم احافظ عليه من ابوه اللي مش راضي يشيل مسؤوليته، خلى ابني عنده صدمة عصبية ومبيتكلمش بسبب الزعيق والخناقات الكتيرة بقيت اوديه لدكتور نفسي عشان يتعالج ويقدر يتكلم، قلت لنفسي اكمل معاه ليه انا انزل اشتغل واصرف على ابني ومخليهوش محتاج حاجة احسن من البهدلة اللي انا عايشة فيها دي، ورفعت عليه قضية خلع لانه رفض الطلاق».
تابع أحدث الأخبار عبر
